அச்சங்குளத்தில் அடிப்படை வசதிகள் செய்து தருவதாக அதிகாரிகள் உறுதி

சாத்தூா் அருகேயுள்ள அச்சங்குளம் கிராமத்தில் அடிப்படை வசதிகள் கோரி போராட்டத்தில் ஈடுபட முயன்ற பொதுமக்களை அதிகாரிகள் சந்தித்து சமாதானம் செய்தனா்.

விருதுநகா் மாவட்டம், வெம்பக்கோட்டை ஊராட்சி ஒன்றியம், அச்சங்குளம் கிராமத்தில் உள்ள தெற்குத் தெரு பகுதியில் கடந்த 15 ஆண்டுகளுக்கும் மேலாக சாலை, தெருவிளக்கு உள்ளிட்ட அடிப்படை வசதிகள் இல்லை. இதனால், இந்தப் பகுதியில் வசிக்கும் பொதுமக்கள் பலமுறை ஊராட்சி நிா்வாகத்திடமும், மாவட்ட ஆட்சியரிடமும் மனு அளித்தனா். ஆனாலும் நடவடிக்கை எடுக்காததால், இந்தப் பகுதி பொதுமக்கள் வெள்ளிகிழமை காலை சாலை மறியலில் ஈடுபட முயன்றனா்.

இதுகுறித்து தகவலறிந்த ஏழாயிரம்பண்ணை காவல் துறையினா், ஊராட்சி நிா்வாகக்தினா் பொதுமக்களிடம் பேச்சுவாா்த்தை நடத்தி, அந்தப் பகுதிக்குக்கு தேவையான சாலை உள்ளிட்ட அடிப்படை வசதிகளை நிறைவேற்றித் தருவதாக உறுதியளித்தனா். இதனால், அவா்கள் போராட்டத்தை கைவிட்டனா்.