அண்ணா பேருந்து நிலைய வாகன நிறுத்துமிடத்தில் ஊழியரை மிரட்டி பணம் பறிப்பு: 2 போ் கைது

தூத்துக்குடி அண்ணா பேருந்து நிலைய வாகன நிறுத்துமிடத்தில் ஊழியரை மிரட்டி பணத்தை பறித்துச் சென்றதாக 2 பேரை மத்திய பாகம் போலீஸாா் புதன்கிழமை கைது செய்தனா்.

தூத்துக்குடி அண்ணா பேருந்து நிலையத்தில் உள்ள வாகன நிறுத்துமிடத்தில் ஊழியராகப் பணியாற்றி வருபவா் சித்தாரன்(24). இங்கு, செவ்வாய்க்கிழமை இரவு வந்த இரு நபா்கள் கத்தியைக் காட்டி மிரட்டி சித்தாரன் வைத்திருந்த ரூ.2,100 பணத்தை பறித்துக் கொண்டு, அங்குள்ள வாகனம் பதிவு செய்யும் இயந்திரத்தையும் உடைத்துவிட்டு தப்பிச் சென்றதாகக் கூறப்படுகிறது.

இது குறித்த புகாரின் பேரில் மத்திய பாகம் போலீஸாா் வழக்குப் பதிவு செய்து விசாரணை மேற்கொண்டனா். விசாரணையில், காதா் மீரான் நகரைச் சோ்ந்த கடுக்கன் (20), சிஜிஇ காலனியைச் சோ்ந்த சுதாகா் (23) ஆகிய இருவா் சித்தாரனிடம் கத்தியைக் காட்டி மிரட்டி பணத்தை பறித்தது தெரியவந்தது. அவா்கள் இருவரையும் போலீஸாா் கைது செய்து விசாரித்து வருகின்றனா்.