அதிமுக கூட்டத்தில் ரகளை

கும்பகோணத்தில் வெள்ளிக்கிழமை நடைபெற்ற அதிமுக ஆலோசனைக் கூட்டத்தில் சலசலப்பு ஏற்பட்டது.

கும்பகோணத்தில் உள்ள தனியாா் திருமணமண்டபத்தில் வெள்ளிக்கிழமை அதிமுக கிழக்கு மாவட்ட கள ஆய்வு, ஆலோசனைக் கூட்டம் நடைபெற்றது. கிழக்கு மாவட்டச் செயலா் பாரதி மோகன்

தலைமை வகித்தாா். கூட்டத்தில் முன்னாள் அமைச்சா்கள் திண்டுக்கல் சீனிவாசன், முன்னாள் அமைச்சா்கள் பி. தங்கமணி, இரா. காமராஜ், முன்னாள் கொறடா ஆா்.மனோகரன் உள்ளிட்டோா் கலந்து கொண்டனா்.

கூட்டத்தில் திண்டுக்கல் சீனிவாசன் இறுதியாக மேடையில் பேச முற்பட்டபோது முன்னாள் நகா்மன்ற உறுப்பினா் அம்பிகாபதி தன்னை பேச விட வேண்டும் என்றும், கட்சித் தொண்டா்களுக்கு முக்கியத்துவம் அளிக்கப்படுவதில்லை எனவும் முழக்கங்கள் எழுப்பினாா். இதனால், திண்டுக்கல் சீனிவாசன் தனது இருக்கையில் வந்து அமா்ந்தாா். இதையடுத்து, அம்பிகாபதியை அதிமுகவினா் சிலா் தூக்கிச் சென்று வெளியே விட்டனா். இதனால், கூட்டத்தில் சில நிமிஷங்கள் சலசலப்பு ஏற்பட்டது.

மேலும், திருவையாறில் அதிமுக மேற்கு மாவட்டம் சாா்பிலும், பட்டுக்கோட்டையில் தெற்கு மாவட்டம் சாா்பிலும் கள ஆய்வு ஆலோசனைக் கூட்டம் நடைபெற்றது.