சீா்காழி சபாநாயக முதலியாா் இந்து மேல்நிலைப் பள்ளி வளாகத்தில், அரசு உதவிபெறும் பள்ளி மாணவா்களுக்கிடையே மாவட்ட அளவிலான கலைத் திருவிழா போட்டிகள் அண்மையில் நடைபெற்றன.
மயிலாடுதுறை மாவட்ட ஒருங்கிணைந்த பள்ளி கல்வி துறை சாா்பில் இப்போட்டிகள் நடைபெற்றன. இதில், மயிலாடுதுறை, செம்பனாா்கோவில், குத்தாலம், சீா்காழி, கொள்ளிடம் ஆகிய ஒன்றியங்களில் அரசு உதவி பெறும் பள்ளிகளில் ஒன்றாம் வகுப்பு முதல் 12-ஆம் வகுப்பு வரை பயிலும் 500-க்கும் மேற்பட்ட மாணவ- மாணவிகள் பங்கேற்றனா்.
நாடகம், பரதநாட்டியம், மணல் சிற்பம் செய்தல், பானைகளில் ஓவியம் வரைதல், கிராமிய நடனம், போன்ற பல்வேறு கலைகள் தொடா்பாக 84 வகையிலான போட்டிகள் நடைபெற்றன. மயிலாடுதுறை மாவட்ட உதவி திட்ட அலுவலா் திருஞானசம்பந்தம் தலைமை வகித்தாா். ச.மு.இ. மேல்நிலைப் பள்ளி தலைமையாசிரியா் எஸ். அறிவுடைநம்பி வரவேற்றாா்.
நிகழ்ச்சியில், மாவட்ட ஒருங்கிணைப்பாளா்கள், வட்டார கல்வி அலுவலா்கள், மேற்பாா்வையாளா்கள், ச.மு.இ. பள்ளி உதவி தலைமை ஆசிரியா்கள் எஸ். முரளீதரன், என். துளசிரங்கன், டி. சீனிவாசன் உள்ளிட்டோா் கலந்துகொண்டனா். போட்டியின் நடுவா்களாக பள்ளியின் கலை ஆசிரியா்கள், பகுதி நேர பயிற்றுநா்கள், கலை வல்லுநா்கள் செயல்பட்டனா். நிறைவாக மாவட்ட கலைத் திருவிழா ஒருங்கிணைப்பாளா் ம. சரத் சந்திர யாதவ் நன்றி கூறினாா்.
இப்போட்டிகளில், ஒவ்வொரு பிரிவிலும் முதலிடம் பெற்ற மாணவ- மாணவிகள் மாநில அளவிலான போட்டிக்கு தகுதி பெற்றனா்.
