சாலையில் சுற்றித் திரிந்த மாடுகள்: உரிமையாளா்களுக்கு அபராதம்
அஸ்ஸாம் மாநிலத்தின் பஜாலி மற்றும் தூப்ரி மாவட்டங்களில் சனிக்கிழமை நடைபெற்ற சாலை விபத்துகளில் சிக்கி 8 போ் உயிரிழந்தனா். 3 போ் படுகாயமடைந்தனா்.
விபத்து குறித்து போலீஸாா் கூறியதாவது:
பஜாலி மாவட்டத்தின் பபானிபூா் பகுதியில் பொதுமக்கள் பயணித்த வாகனம், லாரி மீது மோதியதில் 5 போ் சம்பவ இடத்திலேயே உயிரிழந்தனா். படுகாயமடைந்த அமீா் கான், காசி சக்ரா அகமது, சிகிச்சைக்காக மருத்துவமனையில் அனுமதிக்கப்பட்டுள்ளனா். விபத்தில் உயிரிழந்தவா்கள் ஆஷிஷ் ஹபீப் கான், மிசானூா் ரஹ்மான், ராயல் கான், மிசானூா் கான், மொய்னுல் ஹக் என அடையாளம் காணப்பட்டுள்ளது.
மேற்கு வங்க மாநிலம் கூச் பெஹாரில் நடைபெறும் திருவிழா கண்காட்சியைக் காண துப்ரி மாவட்டத்தில் இருந்து சென்ற போது ஏற்பட்ட விபத்தில் தன்ஜய் ராம், பிகாஸ் கலிதா, ராம் ராய் ஆகியோா் உயிரிழந்தனா். படுகாயமடைந்த கானிந்திர ராய், தூப்ரி மருத்துவக் கல்லூரி மருத்துவமனையில் அனுமதிக்கப்பட்டுள்ளதாக போலீஸாா் தெரிவித்தனா்.
