ஆணவக் கொலைகளை தடுக்க தனிச் சட்டம் இயற்ற விசிக தொடா்ந்து வலியுறுத்தும்: திருமாவளவன் எம்.பி.

ஆணவக் கொலைகளை தடுக்க தனிச்சட்டம் இயற்ற விடுதலைச்சிறுத்தைகள் கட்சி தொடா்ந்து வலியுறுத்தும் என்று அக்கட்சியின் தலைவா் திருமாவளவன் எம்.பி. பேசினாா்.

பெரம்பலூா் புகா் பேருந்து நிலைய வளாகத்தில், பெரம்பலூா், அரியலூா் மாவட்ட விடுதலைச் சிறுத்தைகள் கட்சி சாா்பில், ஆணவக் கொலைகள் தடுப்பு சிறப்பு சட்டத்தை தமிழக அரசு உடனடியாக இயற்ற வலியுறுத்தியும், ஆணவப் படுகொலையைக் கண்டித்தும் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு தலைமை வகித்து தொல். திருமாவளவன் பேசியதாவது: ஆணவப் படுகொலைகளை தடுக்க மத்திய, மாநில அரசுகள் தனிச் சட்டம் இயற்ற வேண்டும். தமிழகத்தை ஆளும் திமுகவைப் பற்றி மாவட்டந்தோறும் பிரசாரம் மேற்கொள்ளும் அதிமுக பொதுச் செயலா் எடப்பாடி பழனிசாமி, ஆணவப் படுகொலை குறித்து ஒரு இடத்தில் கூட பேசவில்லை. புதிதாக வந்த தமிழக வெற்றிக் கழகம் கட்சியின் தலைவா் விஜய் ஆணவ படுகொலை பற்றி ஒரு கண்டனம் கூட தெரிவிக்கவில்லை. நாமெல்லாம் இந்துக்கள் எனக்கூறும் பாரதிய ஜனதா கட்சியினா் கொலையை கண்டிக்காதது ஏன்?.

ஆனால், கடந்த 40 ஆண்டுகளாக ஆணவப் படுகொலையைக் கண்டித்து, தொடா்ந்து விடுதலைச் சிறுத்தைகள் கட்சி போராடி வருகிறது.

ஆணவப் படுகொலை மாநில பிரச்னை மட்டுமல்ல, தேசிய அளவில் இப் பிரச்னைக்கு தீா்வு காண வேண்டும். ஆணவக் கொலைக்கு எதிராக சிறப்புச் சட்டம் இயற்றக் கோரி மத்திய, மாநில அரசுகளை தொடா்ந்து வலியுறுத்துவோம். இப் பிரச்னைக்கு தமிழகத்தில் தனிச் சட்டம் இயற்ற வேண்டும் என்றாா் அவா்.

முன்னதாக, தமிழகத்தில் நிகழும் ஆணவக் கொலைகளைக் கண்டித்தும், தமிழக அரசு சிறப்புச் சட்டம் இயற்ற வலியுறுத்தியும், ஆா்ப்பாட்டத்தில் ஈடுபட்டோா் முழக்கமிட்டனா். ஆா்ப்பாட்டத்தில், மாநில அமைப்புச் செயலா் திருமாா்பன், முன்னாள் மண்டலச் செயலா் இரா. கிட்டு, மாவட்டச் செயலா்கள் ரத்தினவேல், கலையரசன், அரியலூா் மாவட்டச் செயலா்கள் சிவக்குமாா், கதிா்வளவன் உள்பட பலா் பங்கேற்றனா்.