இருமொழிக் கொள்கையின் அவசியத்தை மக்களிடம் எடுத்துரைக்க வேண்டும்: அமைச்சா் க.பொன்முடி

இருமொழிக் கொள்கையின் அவசியத்தை கிராமங்கள்தோறும் சென்று மக்களிடம் திமுகவினா் எடுத்துரைக்க வேண்டும் என்று கட்சியின் துணை பொதுச் செயலரும், வனம் மற்றும் கதா் கிராமத் தொழில்கள் துறை அமைச்சருமான க.பொன்முடி தெரிவித்தாா்.

விழுப்புரம் கலைஞா் அறிவாலயத்தில் புதன்கிழமை நடைபெற்ற மத்திய மாவட்ட திமுக செயல்வீரா்கள் ஆலோசனைக் கூட்டத்துக்கு மாவட்டப் பொருளாளா் இரா.ஜனகராஜ் தலைமை வகித்தாா். நகரச் செயலா் இரா.சக்கரை, ஒன்றியச் செயலா்கள் பி.தெய்வசிகாமணி, வி.ஜி.பிரபாகரன், கல்பட்டு வி.ராஜா உள்ளிட்டோா் முன்னிலை வகித்தனா். மாநில ஆதிதிராவிடா் நலக்குழு இணைச் செயலா் செ.புஷ்பராஜ் வரவேற்றாா். கூட்டத்தில் பங்கேற்று அமைச்சா் க.பொன்முடி பேசியதாவது:

திமுக தலைவரும், முதல்வருமான மு.க.ஸ்டாலின் பிறந்த நாளையொட்டி மாவட்டம் முழுவதும் கட்சிக் கொடியேற்றி, ஏழை - எளிய மக்களுக்கு நலத் திட்ட உதவிகள் வழங்குவது, ரத்த தான முகாம்களை நடத்துவது போன்றவற்றை நடத்த கட்சியினா் திட்டமிடல் வேண்டும். மேலும் இந்த விழாவை தமிழக முதல்வரின் கொள்கைகளை மக்களிடம் கொண்டு சோ்க்கும் விழாவாகக் கருதி, கட்சியினா் பணியாற்ற வேண்டும்.

இருமொழிக் கொள்கையின் அவசியத்தை கிராமங்கள்தோறும் மக்களிடம் எடுத்துரைக்க வேண்டும். 2026 சட்டப் பேரவைத் தோ்தலில் வெற்றி என்பதே நமது இலக்காகக் கொண்டு தோ்தல் பணியாற்ற வேண்டும். விழுப்புரம் மாவட்டத்திலுள்ள 7 சட்டப் பேரவைத் தொகுதிகளிலும் திமுக மற்றும் கூட்டணிக் கட்சிகளின் சாா்பில் யாா் வேட்பாளராக நிறுத்தப்பட்டாலும், அவா்களை வெற்றிபெற வைக்க வேண்டும் என்றாா்.

தொடா்ந்து, விழுப்புரம் மத்திய மாவட்ட திமுக பொறுப்பாளா் இரா.லட்சுமணன் எம்எல்ஏ சிறப்புரையாற்றினாா்.

கூட்டத்தில் ஒன்றியக் குழுத் தலைவா்கள் ஆா்.எஸ்.வாசன், இ.சச்சிதாநந்தம், பேரூா் செயலா் பா.ஜீவா, பொதுக்குழு, செயற்குழு உறுப்பினா்கள் திருவக்கரை ஜி.பாஸ்கா், என்.பஞ்சநாதன், டி.ஆா்.இளங்கோவன், டி.என்.ஜெ.சம்பத், நகா்மன்ற உறுப்பினா் ஆா்.மணவாளன், மாவட்ட இளைஞரணி அமைப்பாளா் செ.தினகரன், நகர இளைஞரணி அமைப்பாளா் செ.மணிகண்டன் உள்ளிட்டோா் பங்கேற்றனா். நிறைவில் மாவட்ட துணைச் செயலா் தயா.இளந்திரையன் நன்றி கூறினாா்.