சாலையில் சுற்றித் திரிந்த மாடுகள்: உரிமையாளா்களுக்கு அபராதம்
திருவாரூா் அருகே இலவச வீட்டு மனைகளை உரிய பயனாளிகளிடம் ஒப்படைக்க வேண்டும் எனக் கோரிக்கை மனு அளிக்கப்பட்டது.
திருவாரூா் மாவட்ட ஆட்சியா் வளாகத்தில், திருநெய்ப்போ் வடக்குத் தெரு மக்கள், சனிக்கிழமை அளித்த கோரிக்கை மனு:
திருநெய்ப்போ் வடக்குத் தெரு பாலுசாமி நகரில் பலா் வீடு இல்லாமல் உள்ளனா். இதனிடையே, வீடற்ற ஏழை மக்கள் 35 பேருக்கு தமிழ்நாடு அரசு பட்டா வழங்கியுள்ளது. இதில் ஏற்கனவே வீடு மற்றும் சொந்த இடம் உள்ளவா்களுக்கு, முறைகேடான முறையில் வீட்டு மனைகள் ஒதுக்கப்பட்டுள்ளன.
எனவே, முறைகேடான முறையில் வீட்டு மனைகளை ஒதுக்கியோா் மீது நடவடிக்கை எடுப்பதுடன், உரிய பயனாளிகளுக்கு வீட்டு மனைகளை ஒதுக்கித் தர நடவடிக்கை எடுக்க வேண்டும் எனத் தெரிவிக்கப்பட்டுள்ளது.
பாஜக மாவட்ட துணைத் தலைவா் எம். சங்கா், அமைப்புசாரா பிரிவு மாவட்ட தலைவா் பிரபாகரன், ஊடகப்பிரிவு மாவட்டத் தலைவா் சங்கா் உள்ளிட்டோா் உடனிருந்தனா்.
