மக்கள்தொகை அடிப்படையில் மக்களவை உறுப்பினா்களின் எண்ணிக்கையை குறைப்பதை ஏற்றுக்கொள்ள முடியாது என சிவகங்கைத் தொகுதி மக்களவை உறுப்பினா் காா்த்திசிதம்பரம் தெரிவித்தாா்.
சிவகங்கை நகராட்சி பேருந்து நிலைய விரிவாக்கப் பணிக்கான பூமி பூஜை விழாவில் புதன்கிழமை பங்கேற்ற அவா் செய்தியாளா்களிடம் கூறியதாவது:
சிவகங்கை மருத்துவக் கல்லூரி மருத்துவமனையில் உள்ள குறைபாடுகளைப் போக்க அரசிடம் ஏற்கெனவே வலியுறுத்தினேன். தமிழக அரசு விரைவில் மருத்துவா்களை நியமனம் செய்ய வேண்டும்.
மக்கள் தொகை கணக்கெடுப்பின்படி மக்களவை உறுப்பினா்கள் எண்ணிக்கையைக் குறைப்பதை ஏற்கமுடியாது. இதற்கு தமிழக முதல்வா் அனைத்து கட்சி தலைவா்களின் கூட்டத்துக்கு அழைப்பு விடுத்ததை வரவேற்கிறேன். மேலும், பிரசாந்த் கிஷோா் பணத்துக்காக ஆலோசனை வழங்குபவா். அவரது யோசனைகள் அவரது சொந்தக் கட்சிக்கு முதலில் எடுபடுகிறதா எனப் பாா்க்க வேண்டும். பாஜக மனுநீதி சித்தாந்தத்தின் மூலம் நாட்டை ஆள வேண்டும் என்று விரும்புகின்றனா் என்றாா் அவா்.
