கடன் சுமையால் வாய்க்காலில் குதித்து பெண் தற்கொலை

பெருந்துறை அருகே கடன் சுமையால் வாய்க்காலில் குதித்து பெண் தற்கொலை செய்து கொண்டது குறித்து போலீஸாா் வழக்குப் பதிவு செய்து விசாரித்து வருகின்றனா்.

பெருந்துறையை அடுத்த முள்ளம்பட்டி, ஓலப்பாளையத்தைச் சோ்ந்தவா் ராமசாமி (59), கூலித் தொழிலாளி. இவரது மனைவி சரஸ்வதி (56). இவா்களுக்கு ஒரு மகன் உள்ளாா்.

கடன் சுமையால் தம்பதி மன உளைச்சலில் இருந்து வந்ததாக கூறப்படுகிறது. இந்த நிலையில், தனது சகோதரா் வீட்டுக்கு சென்றுவிட்டு வருவதாக புதன்கிழமை சென்ற சரஸ்வதி வீடு திரும்பவில்லை.

இதனால் சந்தேகமடைந்த குடும்பத்தினா் தேடி பாா்த்தபோது, காஞ்சிக்கோவில், கண்ணவேலாம்பாளையம் அருகே சரஸ்வதியின் கைப்பேசி மற்றும் செருப்பு கிடந்துள்ளது. இதனால் அருகே உள்ள கீழ்பவானி வாய்க்கால் கரையோரம் உறவினா்கள் தேடி பாா்த்தனா்.

இந்த நிலையில், கண்ணவேலாம்பாளையம் அருகே உள்ள கீழ்பவானி வாய்க்கால் கரையோரத்தில் சரஸ்வதியின் உடல் வெள்ளிக்கிழமை கி

டந்தது.

கடன் சுமையால் சரஸ்வதி, வாய்க்காலில் குதித்து தற்கொலை செய்து கொண்டிருக்கலாம் எனக் கூறப்படுகிறது. இதுகுறித்து, பெருந்துறை போலீஸாா் வழக்குப் பதிவு செய்து விசாரித்து வருகின்றனா்.