கர்நாடக இடைத்தேர்தல்: பசவராஜ் பொம்மை மகன் தோல்வி!

கர்நாடக இடைத்தேர்தலில் ஷிக்காவ்ன் தொகுதியில் போட்டியிட்ட பசவராஜ் பொம்மை மகன் பரத் பொம்மை, அவரை எதிர்த்து போட்டியிட்ட யாசீர் அகமதுகானிடம் 13,448 வாக்குகள் வித்தியாசத்தில் தோல்வியடைந்துள்ளார்.

கர்நாடகத்தில் 3 எம்.எல்.ஏ.க்கள் மக்களவைத் தேர்தலில் வெற்றி பெற்றதைத் தொடர்ந்து, ராமநகரம் மாவட்டத்தின் சென்னப்பட்டணா, ஹாவேரி மாவட்டத்தின் ஷிக்காவ்ன், பெல்லாரி மாவட்டத்தின் சண்டூர் தொகுதிகளில் நவ.13ஆம் தேதி இடைத்தேர்தல் நடந்தது.

இந்த நிலையில், சென்னப்பட்டணா, ஷிக்காவ்ன், சண்டூர் உள்ளிட்ட தொகுதிகளிலும் காங்கிரஸ் வெற்றிப் பெற்றுள்ளது.

இதையும் படிக்க: 2028-ல் மீண்டும் ஆட்சிக்கு வருவோம்: கர்நாடக துணை முதல்வர் சிவகுமார்

ஷிக்காவ்ன் தொகுதியை பாஜக கைப்பற்றும் என்று எதிர்பார்க்கப்பட்ட நிலையில், பசவராஜ் பொம்மை மகன் பரத் பொம்மை தோல்வியடைந்துள்ளார்.

கர்நாடக முன்னாள் முதல்வரும் பாஜக தலைவருமான பசவராஜ் பொம்மை, ஷிகாவ்ன் சட்டப்பேரவைத் தொகுதியின் பேரவை உறுப்பினர் பதவியை ராஜிநாமா செய்த நிலையில் இடைத்தேர்தல் நடைபெற்றது குறிப்பிடத்தக்கது.