கள்ளக்குறிச்சி மாவட்டத்தில் அரசு திட்டப்பணிகள்: உயா் அதிகாரிகள் ஆய்வு

கள்ளக்குறிச்சி மாவட்டத்தில் அரசின்அனைத்துத் துறைகளின் திட்டப் பணிகள் முன்னேற்றம் குறித்து மாவட்ட ஆட்சியா் எம்.எஸ்.பிரசாந்த் முன்னிலையில், உயா்கல்வித்துறை அரசு செயலா் மற்றும் மாவட்ட கண்காணிப்பு அலுவலா் முனைவா் பொ.சங்கா் தலைமையில் மாவட்ட அளவிலான அலுவலா்களுடன்சனிக்கிழமை ஆலோசனை கூட்டம் நடைபெற்றது.

மாவட்ட ஆட்சியா் அலுவலக கூட்டங்கில் நடைபெற்ற இந்த ஆய்வுக்கூட்டத்தில், கள்ளக்குறிச்சி மாவட்டத்தில் ஊரக வளா்ச்சித்துறை, நெடுஞ்சாலைத் துறை, நகராட்சி, பேரூராட்சி உள்ளிட்ட பல்வேறு துறைகளின் கீழ் நடைபெற்று வரும் சாலைப் பணிகளின் எண்ணிக்கை, முடிவுற்ற சாலைப் பணிகளின் விபரம், நடைபெறவுள்ள சாலைப் பணிகள், குறித்து சம்பந்தப்பட்ட துறை அலுவலா்களிடம் விவரங்கள் கேட்கப்பட்டது.

அப்போது, பணிகளை குறிப்பிட்ட காலத்திற்குள் தரமாகவும் விரைவாகவும் முடித்திடவும், தொடா்ந்து கண்காணித்திடவும் சம்பந்தப்பட்ட துறை அலுவலா்களுக்கு உயா்கல்வித்துறை அரசு செயலா் மற்றும் மாவட்ட கண்காணிப்பு அலுவலா் முனைவா் பொ.சங்கா்அறிவுறுத்தினாா்.

முதல்வரின் முகவரித் துறையின் சாா்பில் செயல்படுத்தப்பட்டு வரும் திட்டங்கள் குறித்தும் ஆய்வு செய்தாா். இதில் உங்களுடன் ஸ்டாலின் திட்டத்தின்கீழ் நடைபெற்ற முகாம்கள், முகாம்களில் பெறப்பட்ட மனுக்களின் எண்ணிக்கை, மனுக்கள் பதிவு செய்யப்பட்ட விவரம், மனுக்களின் மீது மேற்கொள்ளப்பட்டுள்ள நடவடிக்கைகள், துறை வாரியாக நிலுவையிலுள்ள மனுக்களின் விவரம், நிலுவையிலுள்ள மனுக்களின் மீது மேற்கொள்ள வேண்டிய நடவடிக்கைகள், இனிவரும் காலங்களில் நடைபெறவுள்ள முகாம்கள் உள்ளிட்டவைக் குறித்து வருவாய்த் துறை அலுவலா்களுடன் விரிவாகக் கேட்டறிந்து ஆய்வு செய்தாா்.

குறிப்பாக உங்களுடன் ஸ்டாலின் திட்ட முகாமில் மகளிா் உரிமைத் தொகை கோரி பெறப்பட்ட மனுக்களை விரைந்து விசாரணை மேற்கொண்டு தகுதியின் அடிப்படையில் உரிமைத் தொகை பெறுவதற்கான ஆணைகள் வழங்க ஏற்பாடு செய்ய சம்பந்தப்பட்ட துறை அலுவலா்களுக்கு அறிவுறுத்தினாா்.

கலைஞரின் கனவு இல்லத் திட்டத்தின்கீழ் தோ்வு செய்யப்பட்ட பணிகளின் தற்போதைய நிலைக் குறித்து ஆய்வு செய்து பயனாளிகளை தோ்வு செய்வது குறித்து அறிவுரைகள் வழங்கினாா்.

அதனைத் தொடா்ந்து மருத்துவம் மற்றும் மக்கள் நல்வாழ்வுத் துறையின் சாா்பில் செயல்படுத்தப்பட்டு வரும் மக்களைத் தேடி மருத்துவம் திட்ட செயல்பாடுகள் குறித்து விரிவாக ஆய்வு செய்தா். பள்ளிக் கல்வித்துறையில் மேற்கொள்ளப்பட்டுள்ள நடவடிக்கைகள் குறித்து சம்பந்தப்பட்ட அலுவலா்களிடம் கேட்டறிந்து ஆய்வு செய்தாா். சமூக நலத்துறையின் சாா்பில் செயல்படுத்தப்பட்டு வரும் தமிழ்ப்புதல்வன் திட்டம், புதுமைப்பெண் திட்டம், காலை உணவுத் திட்டம் உள்ளிட்ட பல்வேறு திட்டங்கள் குறித்து ஆய்வு செய்தாா். மேற்படி திட்டங்களைத் தொடா்ந்து மேற்கொள்ள அறிவுறுத்தினாா்.

கள்ளக்குறிச்சி மாவட்டத்தில் தமிழ்நாடு அரசின் சாா்பில் அனைத்துத் துறைகளின்கீழ் மேற்கொள்ளப்பட்டு வரும் வளா்ச்சித் திட்டப் பணிகள் அனைத்தும் மாவட்ட நிா்வாகத்துடன் ஒருங்கிணைந்து மேற்கொள்ளவும், அனைத்துத் திட்டங்களும் அனைத்து பொதுமக்களுக்கும் சென்று சோ்த்திடவும் அனைத்துத் துறை அலுவலா்களுக்கும் அறிவுறுத்தப்பட்டுள்ளது என உயா்கல்வித்துறை அரசு செயலா் மற்றும் மாவட்ட கண்காணிப்பு அலுவலா் முனைவா் பொ.சங்கா் தெரிவித்தாா்.

இக்கூட்டத்தில் மாவட்ட வருவாய் அலுவலா் ரா.ஜீவா, திருக்கோவிலூா் துணை ஆட்சியா் ஆனந்த் குமாா் சிங், உள்ளிட்ட அனைத்துத் துறை அலுவலா்கள் கலந்து கொண்டனா்.