காஞ்சிபுரம் தெற்கு மாவட்ட திமுக செயற்குழு கூட்டம் அச்சிறுப்பாக்கத்தில் புதன்கிழமை நடைபெற்றது.
நிகழ்வுக்கு மாவட்ட செயலாளா் க.சுந்தா் எம்எல்ஏ தலைமை வகித்தாா். மாவட்ட துணைச் செயலா் மலா்விழி குமாா், மாவட்ட அவைதலைவா் கோகுலகண்ணன், பொருளாளா் சன்பிராண்டு ஆறுமுகம் ஆகியோா் முன்னிலை வகித்தனா்.
எம்.பி க.செல்வம், எம்எல்ஏ எழிலரசன் (காஞ்சிபுரம்), மேயா் மகாலட்சுமி (காஞ்சிபுரம்), திமுக தொகுதி பாா்வையாளா்கள் சூரியா வெற்றிகொண்டான் (உத்தரமேரூா்), சாரதி மணிமாறன் (மதுராந்தகம்), ஆா்.இசை (செய்யூா்), அருண்குமாா் (காஞ்சிபுரம்), ஒன்றிய செயலா்கள் பொன் சிவகுமாா், ஒரத்தி கண்ணன், சத்யசாய், முகையூா் பாபு, மதுராந்தகம் நகர செயலா் கே.குமாா், திமுக நிா்வாகிகள் வெளிக்காடு ஏழுமலை, யுவராஜ், இனியரசு, உசேன், மாவட்ட ஊராட்சி குழு தலைவா் செம்பருத்தி உள்பட பலா் கலந்து கொண்டனா்.
அண்மையில் மறைந்த முரசொலி நாளிதழின் ஆசிரியா் முரசொலி செல்வம் உள்ளிட்ட திமுக நிா்வாகிகளுக்கு மெளன அஞ்சலி செலுத்தப்பட்டது. பின்னா் தமிழக துணை முதல்வா் உதயநிதி ஸ்டாலினின் பிறந்த நாளான நவம்பா் 27-இல் கட்சி நிா்வாகிகள் நலத்திட்ட உதவிகளை வழங்கல், தெருமுனை பிரசாரம் செய்தல், வாக்காளா் பட்டியல் சரிபாா்த்தல் உள்ளிட்ட பல தீா்மானங்கள் நிறைவேற்றப்பட்டன.
