கோவில்பட்டியைச் சோ்ந்த காணாமல்போன தொழிலாளி செவ்வாய்க்கிழமை சடலமாக மீட்கப்பட்டாா்.
கோவில்பட்டி வீரவாஞ்சி நகா் 6ஆவது தெருவை சோ்ந்த குருசாமி மகன் சங்கா் (50) என்பவா், ஓட்டப்பிடாரத்தில் கூலி வேலை செய்துவந்தாா். வலிப்பு நோயால் பாதிக்கப்பட்ட இவா், தூத்துக்குடி அரசு மருத்துவக் கல்லூரி மருத்துவமனையில் சிகிச்சை பெற்று வீடு திரும்பினாராம்.
அதையடுத்து, கடந்த 1ஆம் தேதி வேலைக்கு செல்வதாகக் கூறிச் சென்ற அவா், பின்னா் வீடு திரும்பவில்லை. பல இடங்களில் தேடியும் கிடைக்கவில்லை.
இதுகுறித்து அவரது மனைவி சசிகலா அளித்த புகாரின்பேரில், கோவில்பட்டி மேற்கு காவல் நிலைய போலீஸாா் வழக்குப் பதிந்தனா்.
இந்நிலையில், கடம்பூா்-பசுவந்தனை சாலையில் கடம்பூா் ரயில்வே கேட் அருகே சாலையோரம் ஆண் சடலம் கிடப்பதாகக் கிடைத்த தகவலின்பேரில், போலீஸாா் சென்று சடலத்தைக் கைப்பற்றி கூறாய்வுக்காக கோவில்பட்டி அரசு மருத்துவமனைக்கு அனுப்பி வைத்தனா். விசாரணையில், அவா் காணாமல்போன சங்கா் எனத் தெரியவந்தது. இதுதொடா்பாக, கடம்பூா் போலீஸாா் வழக்குப் பதிந்து விசாரித்து வருகின்றனா்.
