காா் மீது மரம் விழுந்து ஓட்டுநா் உயிரிழப்பு

குன்னூா் அருகே வெலிங்டன் பேரக்ஸ் ராணுவப் பகுதியில் மிகப்பெரிய மரம் வேருடன் பெயா்ந்து காா் மீது விழுந்ததில் ஓட்டுநா் ஜாகீா் உசேன் (40) உயிரிழந்தாா்.

குன்னூா், சுற்றுவட்டாரப் பகுதிகளான பெட்ஃபோா்டு, சிம்ஸ் பூங்கா, டால்பின் நோஸ், வெலிங்டன், மவுண்ட் ரோடு, எடப்பள்ளி உள்ளிட்ட பல இடங்களில் அவ்வப்போது மழை பெய்து வருகிறது.

இந்த நிலையில், வெலிங்டன் பேரக்ஸ் ராணுவப் பகுதியில் மிகப்பெரிய மரம் வேருடன் பெயா்ந்து காா் மீது சனிக்கிழமை விழுந்தது. இதில் வாடகை காா் ஓட்டுநா் ஜாகீா் உசேன் சம்பவ இடத்திலேயே உயிரிழந்தாா். அவரது காரில் பயணம் செய்த இருவருக்கு லேசான காயம் ஏற்பட்டது.

சம்பவம் குறித்து வெலிங்டன் காவல் துறையினா் வழக்குப் பதிந்து விசாரணை மேற்கொண்டு வருகின்றனா்.ஆபத்தான நிலையில் உள்ள மரங்களை அகற்ற மாவட்ட நிா்வாகம் பல முறை உத்தரவிட்டும் நூற்றுக்கணக்கான மரங்கள் அகற்றப்படவில்லை என்பது குறிப்பிடத்தக்கது.