கரூா் மாவட்டம், குளித்தலையில் புதன்கிழமை அதிகாலை அரசுப் பேருந்து மீது காா் மோதியதில் ஒரே குடும்பத்தைச் சோ்ந்த 4 போ் உள்பட 5 போ் உயிரிழந்தனா்.
கோவை மாவட்டம், குனியமுத்தூா் அருகே உள்ள காந்திநகா் சுகுணா புரத்தைச் சோ்ந்தவா் செல்வராஜ் (50). பெயிண்டா். இவரது மனைவி கலையரசி (45), மகள் அகல்யா (25), மகன் அருண் (22).
இந்நிலையில் செல்வராஜ், தனது மனைவி, மகள், மகனுடன் சிவராத்திரியையொட்டி தஞ்சாவூா் மாவட்டம், ஒரத்தநாடு அருகே கீழையூரில் உள்ள குலதெய்வ கோயிலுக்குச் செல்வதற்காக செவ்வாய்க்கிழமை இரவு வாடகை காரில் புறப்பட்டாா். காரை ஈரோடு மாவட்டம், வில்லரசம்பட்டியைச் சோ்ந்த விஷ்ணு (24) என்பவா் ஓட்டிவந்தாா்.
கரூா் மாவட்டம், குளித்தலையில் கரூா்-திருச்சி தேசிய நெடுஞ்சாலையில் உள்ள தனியாா் பள்ளி அருகே புதன்கிழமை அதிகாலை வந்தபோது கட்டுப்பாட்டை இழந்த காா் எதிரே புதுக்கோட்டை மாவட்டம் அறந்தாங்கியில் இருந்து திருப்பூா் நோக்கிச் சென்ற அரசுப் பேருந்து மீது மோதியது.
இதில், செல்வராஜ், அவரது மனைவி கலையரசி, மகள் அகல்யா, மகன் அருண் மற்றும் காா் ஓட்டுநா் விஷ்ணு ஆகிய 5 பேரும் நிகழ்விடத்திலேயே உயிரிழந்தனா்.
தகவலறிந்து சென்ற குளித்தலை போலீஸாா், விபத்தில் இடிபாடுகளில் சிக்கிய 5 பேரின் சடலங்களையும் மீட்டு குளித்தலை அரசு மருத்துவமனைக்கு உடற்கூறாய்வுக்காக அனுப்பி வைத்தனா்.
தகவலின்பேரில் சம்பவ இடத்துக்கு வந்த கரூா் மாவட்ட ஆட்சியா் மீ. தங்கவேல், மாவட்டக் காவல் கண்காணிப்பாளா் பெரோஸ்கான் அப்துல்லா ஆகியோா் சம்பவ இடத்தை பாா்வையிட்டு விசாரணை மேற்கொண்டனா்.
விபத்து குறித்து குளித்தலை போலீஸாா் வழக்குப் பதிந்து விசாரணை நடத்தினா். இதில், ஓட்டுநா் விஷ்ணு தூக்கக் கலக்கத்தில் காரை ஓட்டியதே விபத்துக்கு காரணம் எனத் தெரியவந்தது.
