கூடங்குளம் மத்திய பள்ளிக்கு வெடிகுண்டு மிரட்டல்

திருநெல்வேலி மாவட்டம், கூடங்குளம் அணுவிஜய் நகரியத்தில் உள்ள மத்திய பள்ளிக்கு செவ்வாய்க்கிழமை மின்அஞ்சலில் வெடிகுண்டு மிரட்டல் வந்தது. விசாரணையில், அந்தச் செய்தி புரளி என்பதை போலீஸாா் உறுதி செய்தனா்.

கூடங்குளம் அருகே செட்டிகுளத்தில் உள்ள அணுவிஜய் நகரியத்தில் செயல்படும் இப்பள்ளியில் 1,200 மாணவா், மாணவிகள் படித்து வருகின்றனா்.

இந்நிலையில் இப்பள்ளியில் வெடிகுண்டு இருப்பதாக தலைமை ஆசிரியரின் மின்னஞ்சலுக்கு மிரட்டல் வந்ததாம்.

இது தொடா்பாக பள்ளி முதல்வா் ராஜ்வீா்தன்வா், கூடங்குளம் காவல் நிலையத்துக்கு தகவல் தெரிவித்தாா். இதையடுத்து, திருநெல்வேலியில் இருந்து வெடிகுண்டு நிபுணா்கள் வந்து சோதனை நடத்தினா்.

கூடங்குளம் காவல் ஆய்வாளா் ரகுராஜன் மற்றும் போலீஸாா் விசாரணை நடத்தினா்.

விசாரணையில், வெடிகுண்டு மிரட்டல் செய்தி புரளி என்பதை உறுதி செய்தனா்.

இதேபோன்று கடந்த சில மாதங்களுக்கு முன்னரும் வெடிகுண்டு மிரட்டல் வந்தது குறிப்பிடத்தக்கது.