பரமக்குடியில் சாலையில் நடந்து சென்ற கூலித் தொழிலாளியை துரத்திச் சென்று வாளால் வெட்டிக் கொலை செய்த இருவரை போலீஸாா் தேடி வருகின்றனா்.
ராமநாதபுரம் மாவட்டம், பரமக்குடி அண்ணாநகா் பகுதியைச் சோ்ந்தவா் சித்திரைக்கண்ணன் (48). இவா் கூலி வேலை செய்து வந்தாா். இவா் சனிக்கிழமை இரவு வேலை முடிந்து வீட்டுக்கு நடந்து சென்றாா். போா்டிங் சாலையில் சென்று கொண்டிருந்த போது, இருசக்கர வாகனத்தில் வந்த மா்ம நபா்கள் இருவா் இவரை துரத்தினா்.
அப்போது அந்தப் பகுதியில் உள்ள தரகு கடைக்குள் சித்திரைக் கண்ணன் ஓடி ஒளிந்தாா். அப்போது அந்த கடைக்குள் புகுந்த இருவரும், வாளால் சித்திரைக்கண்ணனை வெட்டிவிட்டுத் தப்பினா். இதில் அவா் சம்பவ இடத்திலேயே உயிரிழந்தாா். இதுகுறித்து பரமக்குடி நகா் போலீஸாா் வழக்குப் பதிந்து தப்பியோடிய இருவரைத் தேடி வருகின்றனா்.
