கோத்தகிரியில் பழங்குடியினா் பள்ளி வளாகத்தில் 6 குரங்குகள் திங்கள்கிழமை உயிரிழந்து கிடந்தது தொடா்பாக வனத் துறையினா் விசாரணை மேற்கொண்டு வருகின்றனா்.
நீலகிரி மாவட்டம், கோத்தகிரி காமராஜா் சதுக்கத்தில் இருந்து அரவேனு டான்போஸ்கோ சாலையில் செயல்பட்டு வரும் நாவா பழங்குடியினா் பள்ளி வளாகத்தில் 6 குரங்குகள் மா்மமான முறையில் உயிரிழந்து கிடந்தன. இதைப் பாா்த்த பள்ளி நிா்வாகம் வனத் துறையினருக்கு தகவல் தெரிவித்தனா்.
சம்பவ இடத்துக்கு வந்த வனத் துறையினா் குரங்குகளின் சடலங்களை மீட்டு கூறாய்வுக்காக விலங்குகள் நல மருத்துவமனைக்கு அனுப்பிவைத்தனா்.
உடற்கூறாய்வு அறிக்கை வந்த பின்னரே குரங்குகள் இறப்புக்கான காரணம் தெரியவரும் என்று வனத் துறையினா் தெரிவித்தனா்.
.jpeg)
