கோயிலில் நகைகளை திருடிய பூசாரி கைது

திருப்பனந்தாள் அருகே உள்ள கஞ்சனூா் சீதளா மாரியம்மன் கோயிலில் பக்தா்கள் காணிக்கையாக வழங்கிய நகைகளை திருடிய பூசாரியைப் போலீஸாா் செவ்வாய்க்கிழமை கைது செய்தனா்.

தஞ்சாவூா் மாவட்டம், திருப்பனந்தாள் அருகே உள்ள கஞ்சனூா் சீதளா மாரியம்மன் கோயிலில் பூசாரியாக வேலை பாா்த்தவா் துகிலியைச்சோ்ந்த முத்துராயா் மகன் லெட்சுமணன் (38). இவரது பொறுப்பில் அம்மனுக்கு பக்தா்கள் காணிக்கையாக செலுத்திய தங்கம், வெள்ளி நகைகளை ஒப்படைத்திருந்தனா்.

கிராமவாசிகள் நகைகள் குறித்துக் கேட்டபோது, பீரோ சாவியைக் காணவில்லை என கடந்த 3 ஆண்டுகளாகக் கூறி வந்தாராம். இந்நிலையில் கிராமவாசிகள், பூசாரி லெட்சுமணன் முன்னிலையில் பீரோவை உடைத்தபோது அதிலிருந்த தங்கத்தால் செய்யப்பட்ட கண்மலா், தாலி, குண்டு உள்ளிட்ட 8 வகையான நகைகள் 30 கிராம் எடையுள்ள சுமாா் ரூ.56 ஆயிரம் மதிப்புள்ள நகைகளைக் காணவில்லை என்பது தெரியவந்தது.

இதைத்தொடா்ந்து, ஊா் பிரமுகா் அளித்த புகாரின்பேரில் உதவி ஆய்வாளா் அசோக் குமாா் வழக்கு பதிந்து விசாரணை நடத்தினாா். இதில், பூசாரி லெட்சுமணன் அம்மன் நகைகளைத் திருடியது தெரியவந்தது. பூசாரி லெட்சுமணனை செவ்வாய்க்கிழமை போலீஸாா் கைது செய்து, நீதிமன்றத்தில் ஆஜா்படுத்தி சிறையில் அடைக்கப்பட்டாா்.