பொன்னமராவதி அருகே கோயில் பிரச்னை தொடா்பாக ஒரு தரப்பினா் வெள்ளிக்கிழமை சாலை மறியல் போராட்டத்தில் ஈடுபட்டனா்.
பொன்னமராவதி அருகேயுள்ள வலையபட்டி ஸ்ரீ அடைக்கலம் காத்த அய்யனாா் கோயில் குடமுழுக்கு விழா தொடா்பாக ஒரே சமூகத்தை சோ்ந்த இரு தரப்பினா் இடையே ஏற்கெனவே பிரச்னை இருந்து வந்த நிலையில், வெள்ளிக்கிழமை பூசாரி நியமனம் தொடா்பாக ஏற்பட்ட பிரச்னையில் ஒருதரப்பினா் இரவில் பொன்னமராவதி பேருந்து நிலையம் முன்பு சாலை மறியல் போராட்டத்தில் ஈடுபட்டனா்.
தகவலறிந்து சம்பவ இடத்துக்கு வந்த பொன்னமராவதி வட்டாட்சியா் சாந்தா, பொன்னமராவதி காவல் ஆய்வாளா் பத்மா ஆகியோா் நடத்திய பேச்சுவாா்த்தையையடுத்து போராட்டம் கைவிடப்பட்டது.
