ஸ்டார்க்கிடம் வம்பிழுத்த இந்திய வீரர் ஜெய்ஸ்வால்..! வைரலாகும் விடியோ!
இணையவழியில் அரசின் அடிப்படை ஆதார ஆவணங்களை பெறுவதற்கான வழிகாட்டும் பயிற்சி முகாம் சிதண்டிமண்டபம் கிராமத்தில் குழந்தைகள் கண்காணிப்பகம் நிறுவனம் சாா்பில் நடைபெற்றது.
தற்போது ஆதாா், குடும்ப, வாக்காளா் அட்டை, சாதி, வருமான, இருப்பிட சான்றிதழ்கள், பிறப்பு, இறப்பு சான்றிதழ்கள், உதவித்தொகைகள், மருத்துவக் கா ப்பீடுகள், பெயா் சோ்த்தல் நீக்கல், பட்டா, பெயா் மாற்றம், வேலை வாய்ப்பு அலுவகத்தில் பதிவு செய்தல் என எல்லாம் இணையவழியில் நடைபெறுவதால், பழங்குடி மக்கள் இவற்றைப் பயன்படுத்தும் நடைமுறைகள் தெரியாமல் பெரிதும் சிரமப்படுகின்றனா்.
அவா்கள் மத்தியில் விழிப்புணா்வு ஏற்படுத்தும் நோக்கத்தில் பழங்குடி மக்களை ஒருங்கிணைத்து இப்பயிற்சி முகாம் சிதண்டிமண்டபம் கிராமத்தில் நடத்தப்பட்டது.
காஞ்சிபுரத்தில் செயல்பட்டுவரும் குழந்தைகள் கண்காணிப்பகம் தொண்டு நிறுவனத்தின் மூலம் நடத்தப்பட்ட இந்த விழிப்புணா்வு பயிற்சி முகாமில் பல்வேறு பகுதிகளில் வசிக்கின்ற 100-க்கும் பழங்குடி மக்கள் கலந்து கொண்டனா்.
இந்த நிகழ்ச்சிக்கு சிதண்டி ஊராட்சி மன்றத் தலைவா் சின்னப்பையன் தலைமை வகித்தாா். காஞ்சிபுரம் குழந்தைகள் கண்காணிப்பகம் நிா்வாகி து.ராஜ் பல்வேறு அரசு நல திட்டங்கள் குறித்து பயிற்சி அளித்தாா்.
குழந்தைகள் அனைவரையும் பள்ளிக்கு அனுப்புவதை வலியுறுத்தி ஆசிரியைகள் தெய்வானை, சுமதி பேசினா். சான்று ஆவணங்களை எவ்வாறு பெறுவது என்பது குறித்து கிராம நிா்வாக அலுவலா் பிரவீன்குமாா் பேசினாா்.
நிகழ்ச்சிக்கான ஏற்பாடுகளை ஒருங்கிணைப்பாளா் தங்கவேல் மற்றும் செல்வராசன் உள்ளிட்டோா் செய்திருந்தனா்.
.jpeg)
