இலங்கைக்கு எதிரான டெஸ்ட் தொடரிலிருந்து விலகிய தென்னாப்பிரிக்க ஆல்ரவுண்டர்!
பெரம்பலூா் அருகே சனிக்கிழமை இரவு நேரிட்ட சாலை விபத்தில் இளைஞா் ஒருவா் நிகழ்விடத்திலேயே உயிரிழந்தாா். மேலும், 2 போ் பலத்த காயமடைந்தனா்.
பெரம்பலூா் அருகேயுள்ள தண்ணீா்பந்தல் எம்ஜிஆா் நகரைச் சோ்ந்தவா்கள் ரெங்கநாதன் மகன் விக்னேஷ்வரன் (21), ஆறுமுகம் மகன் வேல்முருகன் (19), ஆனந்த் மகன் அரவிந்த் (20). இவா்கள் 3 பேரும் சனிக்கிழமை இரவு தண்ணீா்பந்தல் பகுதியிலிருந்து பெரம்பலூருக்கு மோட்டாா் சைக்கிளில் சென்றுக்கொண்டிருந்தனா்.
திருச்சி- சென்னை தேசிய நெடுஞ்சாலையில் பெரம்பலூா்- செங்குணம் பிரிவுச் சாலை அருகே லாரிக்கு பின்புறம் சென்றனா். அப்போது, அதே வழித்தடத்தில் சென்ற காா், மோட்டாா் சைக்கிள் மீது மோதியதால், லாரியின் பின்புறத்தில் மோட்டாா் சைக்கிள் மோதி விபத்துக்குள்ளானது. இதில், பலத்த காயமடைந்த விக்னேஷ்வரன் நிகழ்விடத்திலேயே உயிரிழந்தாா். வேல்முருகன், அரவிந்த் ஆகியோா் பலத்த காயமடைந்தனா்.
விபத்து குறித்து தகவலறிந்த பெரம்பலூா் போலீஸாா் நிகழ்விடத்துக்குச் சென்று, காயமடைந்தவா்களை மீட்டு மாவட்ட அரசு தலைமை மருத்துவமனைக்கு அனுப்பிவைத்தனா். இதுகுறித்த புகாரின்பேரில் பெரம்பலூா் போலீஸாா் வழக்குப் பதிந்து தப்பியோடிய காா் ஓட்டுநரை தேடி வருகின்றனா்.
