நேரலையில் பேசிய செய்தியாளர் வெள்ளத்தில் மாயம்? விடியோ வைரல்!
சேலம் அஸ்தம்பட்டி காவல்நிலையம் அருகே தூத்துக்குடியைச் சோ்ந்த ரெளடி மா்மக் கும்பலால் வெட்டிக் கொலை செய்யப்பட்ட வழக்கில், தலைமறைவான சிறுவன் உள்பட 2 போ் கைது செய்யப்பட்டனா்.
தூத்துக்குடி மாவட்டம், பெரியாா் நகரைச் சோ்ந்தவா் ரெளடி மதன்குமாா் (28). மீன்பிடிக்கும் தொழில் செய்துவந்த இவா்மீது தூத்துக்குடி வடக்கு காவல் நிலையத்தில் 2 கொலை வழக்கு உள்பட 5 குற்ற வழக்குகள் நிலுவையில் உள்ளன.
இந்நிலையில், கடந்த ஏப்ரல் 24 ஆம் தேதி தூத்துக்குடியைச் சோ்ந்த கப்பல் மாலுமி மரடோனா கொலை வழக்கில் கைதான மதன், நிபந்தனை ஜாமீனில் வெளியே வந்துள்ளாா். அவா் தினமும் காலை, மாலை என இருவேளை சேலம் அஸ்தம்பட்டி காவல்நிலையத்தில் கையொப்பமிட்டு வந்த நிலையில், கடந்த புதன்கிழமை 6 போ் கொண்ட கும்பல், கத்தி, அரிவாள் போன்ற பயங்கர ஆயுதங்களால் மதன்குமாரை வெட்டிக்கொலை செய்தது.
இந்த கொலையில் தொடா்புடைய தூத்துக்குடி மாப்பிள்ளையூரணியைச் சோ்ந்த ஹரிபிரசாத் (26), ஆறுமுகநேரியை அடுத்த பொட்டல்காடு பகுதியைச் சோ்ந்த சந்தோஷ் (22), அலங்காரத்தட்டு பகுதியைச் சோ்ந்த ஜெயசூா்யா (26), கோரப்பள்ளம் பகுதியை சோ்ந்த அந்தோணி (எ) வல்லரசு (24) ஆகியோா் கைது செய்யப்பட்டனா். அவா்கள் நால்வரும் நீதிமன்றத்தில் ஆஜா்படுத்தப்பட்டு சேலம் மத்திய சிறையில் அடைக்கப்பட்டனா்.
இந்நிலையில், மதன் கொலை வழக்கில், தலைமறைவானகீழ் அலங்காரத்தட்டு திட்டு பகுதியைச் சோ்ந்த ஆனந்த பிரசாத் (19), மேல் அலங்காரத்தட்டு பகுதியை சோ்ந்த 17 வயது சிறுவனை தனிப்படை போலீஸாா், தூத்துக்குடியில் வெள்ளிக்கிழமை கைது செய்தனா்.
மேலும், கொலைக்கு பயன்படுத்திய இரு சக்கர வாகனங்களையும் போலீஸாா் பறிமுதல் செய்துள்ளனா். தொடா்ந்து, அவா்கள் அனைவரையும் காவலில் எடுத்து விசாரிக்க போலீஸாா் நடவடிக்கை மேற்கொண்டுள்ளனா்.
