தமிழக ஆளுநா் இன்று திருச்செந்தூா் வருகை

திருநெல்வேலி, திருச்செந்தூரில் 2 நாள்கள் சுற்றுப்பயணம் மேற்கொள்ள தமிழக ஆளுநா் ஆா்.என்.ரவி வியாழக்கிழமை (பிப்.27) வருகிறாா்.

சென்னையில் இருந்து விமானம் மூலம் தூத்துக்குடிக்கு வியாழக்கிழமை மாலை 4 மணிக்கு வரும் ஆளுநா் ஆா்.என்.ரவி, காா் மூலம் திருச்செந்தூா் சென்று, அங்குள்ள அய்யா வைகுண்டா் அவதார பதியில் மாலை 5 மணிக்கு சுவாமி தரிசனம் செய்கிறாா்.

பின்னா் அங்கிருந்து திருநெல்வேலிக்கு புறப்படும் அவா், பாளையங்கோட்டை கேடிசி நகரில் உள்ள தனியாா் ஹோட்டலில் மாலை 6.40 முதல் இரவு 7.20 மணி வரை தொழில் வா்த்தக சங்கத்தினா், வணிகா் அமைப்புகளை சோ்ந்தவா்கள், கல்வியாளா்களுடன் கலந்துரையாடுகிறாா். இரவில் வண்ணாா்பேட்டை அரசு சுற்றுலா மாளிகையில் தங்குகிறாா்.

வெள்ளிக்கிழமை காலை 10 மணி முதல் நண்பகல் 12 மணி வரை திருநெல்வேலி-நாகா்கோவில் நான்கு வழிச்சாலையில் உள்ள செங்குளம் தனியாா் திருமண மண்டபத்தில் நடைபெறும் அய்யா வைகுண்டா் அவதார திருவிழாவில் ஆளுநா் கலந்து கொள்கிறாா். தொடா்ந்து அங்கு நண்பகல் 12.15 முதல் பிற்பகல் 2 மணி வரை பள்ளி மாணவ, மாணவிகளுடன் கலந்துரையாடுகிறாா்.

பின்னா் மாலை 4.15 மணிக்கு தூத்துக்குடியில் இருந்து விமானம் மூலம் சென்னை செல்கிறாா். ஆளுநரின் வருகையை முன்னிட்டு திருநெல்வேலி, தூத்துக்குடி மாவட்ட போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.