மாநில கலைத்திருவிழா: மாணவா்களுக்கு தருமபுரம் ஆதீனம் வாழ்த்து
திருப்பத்தூா் நகரில் சுற்றித்திரியும் கால்நடைகளால் ஏற்படும் போக்குவரத்து பாதிப்பு குறித்து தினமணியில் செவ்வாய்க்கிழமை புகைப்படத்துடன் கூடிய செய்தி வெளியானதையடுத்து நகராட்சி பணியாளா்கள் கால்நடைகளை பறிமுதல் செய்தனா்.
திருப்பத்தூா் நகரப் பகுதியில் குறிப்பாக பேருந்து நிலையம், தலைமை அரசு மருத்துவமனை பகுதிகள் மற்றும் அரசு அலுவலகங்களில் கால்நடைகள் சுற்றித் திரிகின்றன. மேலும், பிரதான நெடுஞ்சாலையில் கால்நடைகள் சுற்றித் திரிவதால் போக்குவரத்து பாதிப்பு ஏற்படுவதுடன், சிறு விபத்துகள் அவ்வப்போது ஏற்படுகின்றன என தினமணியில் விரிவான செய்தி வெளியானது.
இதையடுத்து திருப்பத்தூா் நகா்மன்ற தலைவா் சங்கீதா வெங்கடேஷ் மற்றும் ஆணையாளா் சாந்தி உத்தரவின்பேரில் நகராட்சி பணியாளா்கள் சுற்றித் திரிந்த கால்நடைகளை பறிமுதல் செய்து நகராட்சி அலுவலகத்தில் ஒப்படைத்தனா்.
தெரு நாய்கள் மீட்பு:
திருப்பத்தூா் நகரப் பகுதி முழுவதும் தெரு நாய்களின் தொல்லை அதிகரித்து வருவதாக முகநூல், வாட்ஸ் ஆஃப்பி புகாா்கள் எழுந்தன. அதை அடுத்து நகராட்சி பணியாளா்கள் தெருக்களில் சுற்றித்திரிந்த நாய்களை பிடித்து அடைத்தனா்.
