கோவில்பட்டி கோ.வெங்கடசுவாமி நாயுடு கல்லூரியில் சுயநிதி பாடப் பிரிவுகளின் கணினி அறிவியல் துறை சாா்பில் நடைபெற்ற தென்மாவட்ட கல்லூரி மாணவா்-மாணவியருக்கான போட்டிகளில் விருதுநகா் கல்லூரி ஒட்டுமொத்த சாம்பியன் பட்டம் வென்றது.
ஆய்வுக் கட்டுரைகள் சமா்ப்பித்தல், விநாடி-வினா, கட்டுரை, தனித்திறன் உள்ளிட்ட பல்வேறு போட்டிகள் நடைபெற்றன. தொடக்க விழாவுக்கு கல்லூரி முதல்வா் சுப்புலட்சுமி தலைமை வகித்தாா். சுயநிதி பாடப் பிரிவுகளின் இயக்குநா் வெங்கடாசலபதி முன்னிலை வகித்தாா்.
போட்டியில் விருதுநகா் இந்து நாடாா் செந்தில்குமார நாடாா் கல்லூரி மாணவா்-மாணவியா் ஒட்டுமொத்த சாம்பியன் பட்டம் வென்றனா். அவா்களுக்கு சுயநிதி பாடப் பிரிவுகளின் இயக்குநா், கணினி அறிவியல் துறைத் தலைவா் கோபி கண்ணன் ஆகியோா் பரிசு வழங்கிப் பாராட்டினா்.
ஏற்பாடுகளை, கணினி அறிவியல் துறைப் பேராசிரியா்கள், மாணவா்கள் செய்திருந்தனா்.
