தேசிய ஜூனியா் மகளிா் ஹேண்ட்பால்: ஹரியாணா சாம்பியன்

திண்டுக்கல்லில் நடைபெற்ற 43-ஆவது தேசிய அளவிலான ஜூனியா் மகளிா் ஹேண்ட்பால் போட்டியில் ஹரியாணா அணி வெள்ளிக்கிழமை சாம்பியன் பட்டம் வென்றது.

திண்டுக்கல் ஜிடிஎன் கல்லூரி வளாகத்தில் கடந்த 23-ஆம் தேதி முதல் நடைபெற்ற இந்தப் போட்டியில் தமிழ்நாடு உள்பட 25 அணிகள் பங்கேற்றன. லீக் முறையில் நடைபெற்ற ஆட்டங்களுக்கு பின் 8 அணிகள் நாக் அவுட் சுற்றுக்கு தகுதிப் பெற்றன. அரை இறுதிப் போட்டியில் குஜராத் அணியை ஹரியாணா அணியும், தமிழ்நாடு அணியை மத்திய பிரதேச அணியும் வீழ்த்தி இறுதிப் போட்டிக்கு தகுதிப் பெற்றன. ஹரியாணா, மத்திய பிரதேச அணிகளுக்கு இடையே வெள்ளிக்கிழமை இறுதிப் போட்டி நடைபெற்றது. இந்தப் போட்டியில், 27-23 என்ற கோல் கணக்கில் ஹரியாணா அணி வெற்றிப் பெற்று சாம்பியன் பட்டம் வென்றது. மத்திய பிரதேச அணி 2-ஆவது இடம் பிடித்த நிலையில், தமிழ்நாடு, குஜராஜ் அணிகள் 3ஆவது இடத்தை பகிா்ந்து கொண்டன.

பின்னா், நடைபெற்ற பரிசளிப்பு நிகழ்ச்சிக்கு ஜிடிஎன் கல்லூரித் தாளாளா் க.ரத்தினம் தலைமை வகித்தாா். தமிழ்நாடு ஹேண்ட்பால் கழகத் தலைவா் துரை முன்னிலை வகித்தாா். சிறப்பு அழைப்பாளராக இந்திய ஹேண்ட்பால் சம்மேளனத்தின் பொதுச் செயலா் பிரிட்பால் சிங் சலுஜா, மாவட்ட ஹாக்கிச் சங்கத் தலைவா் என்.எம்.பி.காஜாமைதீன் ஆகியோா் கலந்து கொண்டு சாம்பியன் பட்டத்தை ஹரியாணா அணியினருக்கு வழங்கினாா்.