தொழிலாளியைத் தாக்கி மிரட்டல்: 5 இளஞ்சிறாா் உள்பட 8 போ் கைது

கோவில்பட்டி அருகே வண்ணம் பூசும் தொழிலாளியைத் தாக்கி கொலை மிரட்டல் விடுத்ததாக 5 இளஞ்சிறாா் உள்ளிட்ட 8 பேரை போலீஸாா் கைது செய்தனா்.

கோவில்பட்டி அருகே கூசாலிபட்டி மேட்டுத் தெருவைச் சோ்ந்த வேலுச்சாமி மகன் வெற்றிவேல் (44). வண்ணம் பூசும் தொழிலாளியான இவா், உறவினரும் சுமை தூக்கும் தொழிலாளியுமான மாரியப்பன் என்பவருடன் அரிசி சுமை எடுத்துக் கொண்டு வந்தாராம்.

அப்போது, இளைஞா் ஒருவா் தள்ளாடியபடி மாரியப்பன் மீது விழுந்துள்ளாா். அந்த இளைஞரை வெற்றிவேல் கண்டித்ததாகக் கூறப்படுகிறது.

அதையடுத்து, அந்த இளைஞா் உள்பட 8 போ் கும்பல் மாரியப்பனிடம் தகராறு செய்ததுடன், தட்டிக்கேட்ட வெற்றிவேலை தாக்கினராம். அப்பகுதியினா் வந்ததும் அவா்கள் தப்பியோடிவிட்டனா்.

இதில் காயமடைந்த வெற்றிவேல் கோவில்பட்டி அரசு மருத்துவமனையில் சிகிச்சை பெற்றாா். அவா் அளித்த புகாரின்பேரில், கிழக்கு காவல் நிலைய போலீஸாா் வழக்குப் பதிந்து, மூப்பன்பட்டி திருமங்கை நகா் ஞானசேகா் மகன் முகில்ராஜ் (19), கூசாலிபட்டி மேட்டுத் தெரு கோவிந்தராஜ் மகன் காா்த்திக் (20), சாஸ்திரி நகா் காளிபாண்டி மகன் ஆனந்த் (19), 17 வயதுக்குள்பட்ட 5 இளஞ்சிறாா் ஆகிய 8 பேரைக் கைது செய்தனா்.