மகாராஷ்டிரத்தில் வெற்றியை நோக்கி மகாயுதி: ஏற்க முடியாது - சஞ்சய் ரௌத்
சென்னை சாலிகிராமத்தில் நடிகை சீதா வீட்டில் நகை திருடப்பட்டது குறித்து போலீஸாா் விசாரித்து வருகின்றனா்.
சென்னை சாலிகிராமத்தில் உள்ள புஷ்பா காலனியில் வசித்து வரும் பிரபல தமிழ் நடிகை சீதா, விருகம்பாக்கம் காவல் நிலையத்தில் வியாழக்கிழமை புகாரளித்தாா். அதில், ‘கடந்த அக்டோபா் 31-ஆம் தேதி, எனது தம்பியின் மனைவி சுப நிகழ்ச்சிக்குச் சென்றுவிட்டு, எனது வீட்டுக்கு வந்தாா். அவா், அணிந்திருந்த 4 .5 பவுன் தங்க நகைகளை வீட்டில் கழற்றி வைத்துவிட்டுத் தூங்கினாா். எழுந்து பாா்த்த போது, அந்த நகைகள் மாயமாகி இருந்தது. எனது வீட்டில் திருடு போன அந்த நகைகளைக் கண்டுபிடித்துத் தரவேண்டும்’ என்று கூறியிருந்தாா்.
இந்த புகாா் குறித்து வழக்குப்பதிவு செய்த போலீஸாா் அந்த பகுதியில் உள்ள கண்காணிப்பு கேமரா பதிவுகளைக் கைப்பற்றி ஆய்வு செய்து வருகின்றனா். மேலும், சீதாவின் வீட்டில் வேலை செய்து வரும் பணிப்பெண்ணிடமும் விசாரணை நடத்தப்படுகிறது.
