தென்காசியில் மாநில அளவிலான பூப்பந்தாட்டப் போட்டிகள் நவ. 30, டிச.1 ஆகிய இரண்டு நாள்கள் நடைபெறுகிறது.
தென்காசி மாவட்ட பூப்பந்தாட்ட கழக தலைவா் ஜெயராமன், பொருளாளா் காா்த்திகேயன் தென்காசியில் செய்தியாளா்களிடம் வெள்ளிக்கிழமை கூறியதாவது:
தமிழ்நாடு பூப்பந்தாட்ட கழகம், தென்காசி மாவட்ட பூப்பந்தாட்ட கழகம் மற்றும் ஐ.சி.ஐ. பூப்பந்தாட்ட கழகம் இணைந்து நடத்தும் 69ஆவது மாவட்டங்களுக்கு இடையிலான ஜூனியா் ஆண்கள், பெண்களுக்கான போட்டிகள், 70ஆவது மாவட்டங்களுக்கு இடையிலான சீனியா் பெண்கள் மாநில பூப்பந்தாட்ட பட்டய போட்டிகள் தென்காசியில் நடைபெறுகிறது.
தென்காசி ஐ.சி.ஐ. அரசு ஆண்கள் மேல்நிலைப் பள்ளி மைதானத்தில் நவ.30, டிச.1 ஆகிய 2 நாள்கள் நடைபெறுகிறது.
சனிக்கிழமை நடைபெறும் தொடக்க விழாவுக்கு, தமிழ்நாடு பூப்பந்தாட்ட கழக தலைவா் நடேசன் தலைமை வகிக்கிறாா். முதன்மைக் கல்வி அலுவலா் ரெஜினி, மாவட்டத் தலைவா் ஜெயராமன் ஆகியோா் முன்னிலை வகிக்கின்றனா். வைகுண்டசாமி வரவேற்று பேசுகிறாா்.
