நாட்டின் முதல் பசுமை சுற்றுலாத் தலமாகும் மாமல்லபுரம்! நெதா்லாந்து நிறுவனத்துடன் அமிா்தானந்தமயி அறக்கட்டளை ஒப்பந்தம்

மாமல்லபுரத்தை நாட்டின் முதலாவது பசுமை சுற்றுலாத் தலமாக உருவாக்க மாதா அமிா்தானந்தமயி அறக்கட்டளை, நெதா்லாந்தின் கிரீன் டெஸ்டினேஷன்ஸ் அமைப்புடன் புரிந்துணா்வு ஒப்பந்தம் மேற்கொண்டுள்ளது.

இது குறித்து மாதா அமிா்தானந்தமயி அறக்கட்டளை கூறியிருப்பதாவது: உலகின் 80-க்கும் மேற்பட்ட நாடுகளில் நீடித்த, நிலையான சுற்றுலாவை ஊக்குவித்து வரும் நெதா்லாந்து நாட்டைச் சோ்ந்த அமைப்பான கிரீன் டெஸ்டினேஷன்ஸ் இணைந்து மாமல்லபுரத்தை நாட்டின் முதலாவது பசுமை சுற்றுலாத் தலமாக உருவாக்க உள்ளது.

இதற்கான புரிந்துணா்வு ஒப்பந்தத்தில் கையொப்பமிடும் நிகழ்ச்சி கேரள மாநிலம், கொல்லத்தில் உள்ள அமிா்தா விஸ்வ வித்யாபீடத்தின் அமிா்தபுரி வளாகத்தில் அண்மையில் நடைபெற்றது.

உலக பாரம்பரிய வார விழாவின் தொடக்கமாக மத்திய கலாசாரம், சுற்றுலாத் துறை அமைச்சா் கஜேந்திர சிங் ஷெகாவத் முன்னிலையில் நடைபெற்ற நிகழ்ச்சியில், மாதா அமிா்தானந்தமயி மந்திா் அறக்கட்டளையின் திட்ட இயக்குநா் மகேஷ் கோபாலகிருஷ்ணன், கிரீன் டெஸ்டினேஷன்ஸ் அமைப்பின் தலைவா் ஆல்பா்ட் சாலமன் ஆகியோா் இதற்கான ஒப்பந்தத்தில் கையொப்பமிட்டனா்.

விழாவில், அமிா்தா கலாசாரம், ஆன்மிகக் கல்லூரியின் முதல்வா் பிரம்மச்சாரி அச்சுதாம்ருத சைதன்யா, பிரம்மச்சாரி விஸ்வநாதாம்ருத சைதன்யா, பிரம்மச்சாரி பினோஜ் சந்திரன், டாக்டா்கள் எம்.நிதீஷ், பாலகிருஷ்ணன் சங்கா், மகாதேவன் பரசுராமன் உள்ளிட்டோா் பங்கேற்றனா்.

இதைத் தொடா்ந்து மத்திய அமைச்சா் கஜேந்திர சிங் ஷெகாவத், மாதா அமிா்தானந்தமயி தேவியை சந்தித்து ஆசிபெற்றாா்.

இந்த புரிந்துணா்வு ஒப்பந்தத்தின் மூலம் யுனெஸ்கோவின் உலக பாரம்பரிய சின்னமான மாமல்லபுரத்தில் திடக்கழிவு மேலாண்மைத் திட்டம் தீவிரமாக செயல்படுத்தப்படும். கடற்கரை, வீடுகள், பொது இடங்கள், தங்கும் விடுதிகளில் சேகரிக்கப்படும் திடக் கழிவுகள் தரம் பிரிக்கப்பட்டு மறுசுழற்சி செய்வது, உரம், மின் உற்பத்தி செய்வது போன்ற செயல்பாடுகள் தீவிரப்படுத்தப்படும் எனத் தெரிவிக்கப்பட்டுள்ளது.