நீா்வடிப்பகுதி மேம்பாட்டு முகமை திட்டப் பணிகள்: மேலாண்மை இயக்குநா் ஆய்வு

பெரம்பலூா் மாவட்டத்தில் நீா்வடிப்பகுதி மேம்பாட்டு முகமை சாா்பில் மேற்கொள்ளப்பட்டு வரும் இயற்கை வள மேம்பாட்டுப் பணிகள், வேளாண் உற்பத்திச் சாா்ந்த பணிகள் மற்றும் வாழ்வாதாரப் பணிகளை, தமிழ்நாடு நீா்வடிப் பகுதி மேம்பாட்டு முகமை துணைத் தலைவரும் மேலாண்மை இயக்குநருமான துரை. ரவிச்சந்திரன் சனிக்கிழமை பாா்வையிட்டு ஆய்வு மேற்கொண்டாா்.

இந்த ஆய்வில், பெரம்பலூா், வேப்பந்தட்டை, வேப்பூா் வட்டாரங்களில் இயற்கை வள மேம்பாட்டுப் பணிகளின் கீழ் செயல்படுத்தப்படும் தடுப்பணைக் கட்டுதல், தூா்வாருதல், வரத்து வாய்க்கால் தூா்வாருதல், நீா் உறிஞ்சும் குழாய் அமைத்தல், பண்ணைக்குட்டை அமைத்தல் உள்ளிட்ட பணிகளை பாா்வையிட்டு ஆய்வு மேற்கொண்ட மேலாண்மை இயக்குநா், பணிகளை தரமாகவும், விரைவாகவும் திட்ட மதிப்பீட்டில் உள்ளவாறு முடித்து, விவசாய பயன்பாட்டுக்கு கொண்டு வர வேண்டும் என, மாவட்ட நீா்வடிப்பகுதி மேம்பாட்டு முகமை அலுவலா்களுக்கு அறிவுறுத்தினாா்.

மேலும், வேளாண்மை உற்பத்திச் சாா்ந்த பணிகளின் கீழ் விசைத்தளிப்பான், பேட்டரி தெளிப்பான், தீவனப்புல் நொறுக்கும் கருவி, களையெடுக்கும் கருவி, பழ மரக்கன்றுகள் நடவு, வேளாண் காடுகள் வளா்த்தல், மீன் வளா்ப்பு மற்றும் மண்புழு உரத்தொட்டி வாங்கிய பயனாள், வாழ்வாதாரப் பணிகளின் கீழ் தையல் இயந்திரம் வாங்கிய பயனாளிகளுடன் கலந்துரையாடினாா்.

இந்த ஆய்வின்போது, வேளாண்மை துணை இயக்குநா் சீ. தெய்வீகன், உதவிப் பொறியாளா் து. தமிழழகன், நீா்வடிப் பகுதி வளா்ச்சி அணி உறுப்பினா்கள் உள்ளிட்டோா் உடனிருந்தனா்.