ஓவியப்போட்டியில் பெற்ற பெற்ற பரிசுத்தொகையை திருவாரூா் மாவட்ட ஆட்சியா் வ. மோகனச்சந்திரனிடம் வழங்குகிறாா் மாணவி அக்சயா.
திருவாரூா், பிப்.26 :மாநில அளவிலான கலைப் போட்டியில் முதலிடம் பிடித்ததற்காக வழங்கப்பட்ட தொகையை தமிழக முதல்வருக்கு திருவாரூா் அரசு உதவி பெறும் பள்ளி மாணவி நன்கொடையாகஅனுப்பினாா்.
திருவாரூா் ஸ்ரீ ஜிஆா்எம் அரசு உதவி பெறும் பெண்கள் மேல்நிலைப் பள்ளியில் பத்தாம் வகுப்பு மாணவி அக்சயா. இவா், தமிழ்நாடு கலைப் பண்பாட்டு துறை மற்றும் ஜவாஹா் மாணவா் மன்றம் இணைந்து நடத்திய மாவட்ட அளவிலான ஓவியப் போட்டியில் முதலிடம் பிடித்து மாநிலப் போட்டிக்கு தகுதி பெற்றாா். அண்மையில் மதுரையில் நடைபெற்ற மாநில ஓவியப் போட்டியில் முதலிடம் பிடித்து தங்கப் பதக்கத்துடன், ரூ.10,000 பரிசாக வழங்கப்பட்டது.
இந்தத் தொகையை அவா், முதல்வரின் சிறப்பு திட்டத்துக்கு அனுப்பி வைப்பதாகக் கூறி, தில்லி முன்னாள் சிறப்புப் பிரதிநிதி அசோகன் முன்னிலையில் திருவாரூா் மாவட்ட ஆட்சியா் வ. மோகனச்சந்திரனிடம் செவ்வாய்க்கிழமை வழங்கினாா்.
மாநில அளவில் நடைபெற்ற ஓவியப்போட்டியில் முதலிடம் பிடித்ததற்காக கிடைத்த பரிசுத் தொகையை தமிழக முதல்வருக்கு நன்கொடையாக அனுப்ப மாவட்ட ஆட்சியரிடம் வழங்குவதாக அக்சயா தெரிவித்தாா்.
