பல்லடம்: ஒரே குடும்பத்தில் 3 பேர் கொலை!

பல்லடம் அருகே ஒரே குடும்பத்தைச் சேர்ந்த 3 பேர் வெட்டிக் கொல்லப்பட்டுள்ளனர்.

திருப்பூர் மாவட்டம் பல்லடம் அடுத்த அவிநாசிபாளையம் வலுப்புரம்மன் கோயில் அருகே தோட்டத்து வீட்டில் விவசாய தம்பதி தெய்வசிகாமணி, அமலாத்தாள் ஆகியோர் தங்கள் மகன் செந்தில் குமாருடன் வசித்து வந்தனர்.

இந்த நிலையில், வெள்ளிக்கிழமை காலை 3 பேரும் வீட்டில் கொலை செய்யப்பட்ட நிலையில், சடலமாக கிடந்துள்ளனர்.

இதனை கண்ட அக்கம்பக்கத்தினர் அவிநாசிபாளையம் காவல் நிலையத்துக்கு தகவல் அளித்தனர். சம்பவ இடத்துக்கு விரைந்த போலீஸ் விசாரணை நடத்தி வருகின்றனர்.

இதையும் படிக்க : புயல் சின்னம் நகரும் வேகம் குறைந்தது! சென்னைக்கு 400 கி.மீ. தொலைவில்..

வீட்டில் இருந்து நகை, பணம் உள்ளிட்டவை திருடு போயுள்ளதா? கொள்ளைக்காரர்களால் மூவரும் கொலை செய்யப்பட்டனரா? என்ற கோணத்தில் போலீசார் முதல்கட்ட விசாரணையை தொடங்கியுள்ளனர்.

கொலை செய்யப்பட்ட மூன்று பேரின் உடலையும் உடல் கூறாய்வுக்காக திருப்பூர் அரசு மருத்துவமனைக்கு அனுப்பி வைத்துள்ளனர்.

இந்த சம்பவம் பல்லடம் சுற்றுவட்டாரப் பகுதிகளில் பரபரப்பை ஏற்படுத்தியுள்ளது.