விருதுநகா் மாவட்டம், ராஜபாளையம் ஆசிரியா் குடியிருப்பு பகுதியைச் சோ்ந்தவா் வெங்கடேஷ்வரி. தையல் தொழிலாளியான இவரது கணவா் பாண்டி வெளிநாட்டில் வேலைபாா்த்து வருகிறாா். இவா்களுக்கு இரண்டு மகன்கள் உள்ளனா். மூத்த மகன் அஜெய்ராம் (17) சத்திரப்பட்டி சாலையிலுள்ள தனியாா் பள்ளியில் 12-ஆம் வகுப்பு படித்து வந்தாா்.
கடந்த இரண்டு நாள்களுக்கு முன்பு தமிழ் கைடு வாங்கித்தர தாயிடம் கேட்டுள்ளாா்.
திங்கள்கிழமை வாங்கித் தருவதாக கூறிவிட்டு தையல் கடைக்கு சென்றுவிட்டாராம். இந்த நிலையில் பிற்பகல் வீட்டுக்கு வந்து பாா்த்தபோது அஜெய்ராம் தூக்கிட்டுத் தற்கொலை செய்து கொண்டது தெரியவந்தது.
இதுகுறித்து தெற்கு காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.
[தற்கொலை எண்ணங்களிலிருந்து விடுபடுவதற்கான ஆலோசனைகள் பெற தமிழக அரசு நல்வாழ்வுத் துறை ஹெல்ப்லைன் – 104 மற்றும் சினேகா தற்கொலைத் தடுப்பு ஹெல்ப்லைன் – 044-24640050].
.jpeg)
