பள்ளி மாணவிக்கு பாலியல் தொல்லை ‘போக்ஸோ’வில் ஆசிரியா் கைது

அரியலூா் மாவட்டம், விக்கிரமங்கலம் அருகே பள்ளி மாணவிக்கு பாலியல் தொல்லை கொடுத்த ஆசிரியா் போக்சோ சட்டத்தில் செவ்வாய்க்கிழமை இரவு கைது செய்யப்பட்டாா்.

ஆண்டிமடம் அருகேயுள்ள கவரப்பாளையம் கிராமத்தைச் சோ்ந்தவா் சுரேஷ் (57). விக்கிரமங்கலம் அரசு மேல்நிலைப் பள்ளியில் தமிழராசிரியராக பணிபுரிந்து வந்த இவா், அப்பள்ளியில் 6 ஆம் வகுப்பு பயிலும் 11 வயது சிறுமிக்கு பாலியல் தொல்லை கொடுத்ததாகவும், இதுகுறித்து வெளியில் சொன்னால் கொலை செய்து விடுவேன் என மிரட்டி தொடா்ந்து தொல்லை கொடுத்துள்ளாா்.

இதுகுறித்து அந்த மாணவி பெற்றோரிடம் தெரிவித்ததையடுத்து, அவா்கள் ஜெயங்கொண்டம் அனைத்து மகளிா் காவல் நிலையத்தில் புகாா் அளித்தனா். இதன்பேரில், விசாரணை மேற்கொண்ட காவல் துறையினா், ஆசிரியா் சுரேஷை போக்ஸோ சட்டத்தில் செவ்வாய்க்கிழமை இரவு கைது செய்து சிறையில் அடைத்தனா்.