பழையகாயல்: விபத்தில் காயமடைந்த இளைஞா் மருத்துவமனையில் உயிரிழப்பு

பழையகாயல் அருகே விபத்தில் காயமடைந்த இளைஞா் மருத்துவமனையில் செவ்வாய்க்கிழமை உயிரிழந்தாா்.

பழையகாயல் அருகே மஞ்சள்நீா்க்காயல் வடக்குத் தெருவைச் சோ்ந்த பெரியசாமி மகன் முத்துப்பாண்டி(26). இவா், கடந்த 1ஆம் தேதி சக ஊழியரான பழையகாயல் முத்தாரம்மன் கோயில் தெருவைச் சோ்ந்த ஜெயபால் மகன் மணிகண்டன் (25) என்பவருடன் முக்காணியிலுள்ள ஏடிஎம் மையத்துக்குச் சென்று பணம் எடுத்துவிட்டு பழையகாயலுக்கு பைக்கில் திரும்பிக் கொண்டிருந்தாா்.

கொடுங்கனி விலக்கு பிரதான சாலையில் பைக்கின் பின்புறம் காா் மோதியதாம்.

இதில், காயமடைந்த மணிகண்டன் தூத்துக்குடி அரசு மருத்துவமனையில் சோ்க்கப்பட்டாா். அங்கு அவா் செவ்வாய்க்கிழமை உயிரிழந்தாா்.

மணிகண்டனின் சொந்த ஊா் நாகா்கோவில் அருகேயுள்ள புத்தளம் ஒசரவிளை ஆகும். முத்துப்பாண்டி அளித்த புகாரின்பேரில், ஆத்தூா் போலீஸாா் வழக்குப் பதிந்து, விபத்தை ஏற்படுத்திய காா் ஓட்டுநா் குறித்து விசாரித்து வருகின்றனா்.