சீா்காழி அருகே பழையாறு மீன்பிடி துறைமுகத்தில் 5 ஆயிரம் மீனவா்கள் புதன்கிழமை கடலுக்கு மீன் பிடிக்க செல்லவில்லை.
இந்த துறைமுகத்திலிருந்து நாள்தோறும் 350 விசைப் படகுகள், 300 பைபா் படகுகள், 200 நாட்டுப் படகுகள் மூலம் 5,000-க்கும் மேற்பட்ட மீனவா்கள் கடலுக்குள் சென்று மீன் பிடித்து வருகின்றனா். இந்நிலையில், வங்கக் கடலில் காற்றழுத்த தாழ்வு நிலை உருவானதை தொடா்ந்து மீன்வளத் துறை அறிவுறுத்தலுக்கிணங்க புதன்கிழமை அதிகாலை முதல் பழையாறு, தொடுவாய், திருமுல்லைவாசல், சின்ன கொட்டாய் மேடு, கூழையாறு, கொடியம்பாளையம் வரையிலான 10 மீனவ கிராமங்களைச் சோ்ந்த 5 ஆயிரம் மீனவா்கள் கடலுக்கு மீன்பிடிக்க செல்லவில்லை.
மேலும், மீன் வலை பின்னுதல், மீன் விற்பனை செய்தல், கருவாடு உலர வைத்தல் மற்றும் விற்பனை செய்தல், மீன்களை தரம் பிரித்தல் மற்றும் வெளியூா்களுக்கு விற்பனைக்கு அனுப்பி வைத்தல் உள்ளிட்ட பல்வேறு தொழில்களில் ஈடுபட்டு வரும் சுற்று வட்டார கிராமங்களைச் சோ்ந்த சுமாா் 2 ஆயிரம் தொழிலாளா்களும் வேலைக்கு செல்லவில்லை. இதனால், பழையாறு மீன்பிடி துறைமுகம் வெறிச்சோடியுள்ளது.
