பாஜக எம்பி-க்கள் முயற்சியால் தில்லியில் விரைவில் ஆயுஷ்மான் பாரத் திட்டம் செயல்படுத்தப்படும்: வீரேந்திர சச்தேவா நம்பிக்கை

தில்லியைச் சோ்ந்த பாஜக எம்பி-க்களின் முயற்சியால் தில்லியில் ஆயுஷ்மான் பாரத் திட்டம் விரைவில் செயல்படுத்தப்படும் என்று தில்லி பிரிவு பாஜக தலைவா் வீரேந்திர சச்தேவா புதன்கிழமை நம்பிக்கை தெரிவித்துள்ளாா்.

இது தொடா்பாக அவா் வெளியிட்டுள்ள அறிக்கையில் கூறியுள்ளதாவது: தில்லியில் ஆயுஷ்மான் பாரத் திட்டத்தை அமல்படுத்தக் கோரி பாஜக எம்பி-க்கள் தாக்கல் செய்த மனுவை தில்லி உயா்நீதிமன்றம் ஏற்றுக்கொண்டது தில்லி மக்களிடையே மகிழ்ச்சியையும், நம்பிக்கையையும் ஏற்படுத்தியுள்ளது. புதன்கிழமை நடைபெற்ற இந்த மனு மீதான விசாரணையின் போது, நீதிமன்றம் தில்லி அரசின் வழக்குரைஞரிடம் பல்வேறு கேள்விகளை எழுப்பியது.

அதிலும், தில்லியில் அரசின் சுகாதார சேவைகள் மோசமான நிலையில் உள்ளதாகக் குறிப்பிட்ட நீதிமன்றம், கூடுதல் சுகாதார சேவைகளால் தில்லிவாசிகள் பயன்பெற முடியும் என்றால், நீங்கள் ஏன் அதனை எதிா்க்கிறீா்கள்? என கேள்வி எழுப்பியது. இதற்கு தில்லி அரசுத் தரப்பு வழக்குரைஞரால் பதில் அளிக்க முடியவில்லை.

நீதிமன்றத்தின் இந்த கேள்விக்கான பதில் வழக்குரைஞரிடமிருந்து வரக்கூடாது. மாறாக, அதற்கான பதில் தில்லி அரசிடமிருந்தே வர வேண்டும். தில்லியைச் சோ்ந்த பாஜக எம்பி-க்களின் முயற்சியால், ஆயுஷ்மான் பாரத் திட்டம் விரைவில் நகரத்தில் செயல்படுத்தப்படும் என்ற நம்பிக்கை ஏற்பட்டுள்ளது. தில்லியின் அப்போதைய சுகாதாரத் துறை அமைச்சா் மணீஷ் சிசோடியா, சட்டப்பேரவையில் அறிவித்த போதிலும், தில்லி அரசு கடந்த 5 ஆண்டுகளாக ஆயுஷ்மான் பாரத் திட்டத்தை செயல்படுத்தவில்லை.

தில்லியில் ஆயுஷ்மான் பாரத் திட்டத்தை செயல்படுத்த நடவடிக்கைகள் எடுக்கப்படும் என்று பாஜக எம்பி-க்கள் 2024 மக்களவைத் தோ்தல் அறிக்கையில் தெளிவாகக் கூறியிருந்தனா். தேவைப்பட்டால், தில்லி அரசை எதிா்த்து நீதிமன்றத்தை அணுகுவோம் என்றும் உறுதியளித்தனா். இந்த வாக்குறுதியை நிறைவேற்ற, பாஜக எம்பிக்கள் தில்லி உயா்நீதிமன்றத்தில் மனு தாக்கல் செய்தனா். உயா்நீதிமன்றத்தில் விசாரணை நவ.28-ஆம் தேதியும் தொடரும் என்று எதிா்பாா்க்கப்படுகிறது. இவ்விவகாரத்தில், விரைவில் ஒரு அா்த்தமுள்ள முடிவு வெளிவரலாம் என்றாா் தேவேந்தா் யாதவ்.