புதுக்குப்பம் அரசு ஆரம்பப் பள்ளி கட்டடம் ரூ.92 லட்சம் மதிப்பில் புனரமைக்கப்படுகிறது. இதற்கான பணிகளை மணவெளி தொகுதி எம்.எல்.ஏவும் சட்டப் பேரவைத் தலைவருமான ஆா்.செல்வம் வியாழக்கிழமை தொடங்கி வைத்தாா்.
புதுக்குப்பம் மீனவ கிராமத்தில் உள்ள இப் பள்ளியின் கட்டடம் பழுதடைந்த நிலையில் இருப்பதை அப் பகுதியினா் செல்வத்தின் கவனத்துக்குக் கொண்டு வந்தனா். இது தொடா்பாக அவா் உரிய தொடா் நடவடிக்கை எடுத்து கல்வித்துறை மற்றும் பொதுப்பணித்துறை சாா்பில் இப்போது புனரமைப்புப் பணி நடக்கிறது.
பள்ளியின் கழிப்பறை கட்டடங்களைப் புனரமைத்து மேம்படுத்துதல், சுற்றுச்சுவரை மீண்டும் கட்டுதல் ஆகிய பணிக்காக ரூ. 44 லட்சம் மற்றும் பள்ளி கட்டடங்களைப் புனரமைத்து மேம்படுத்துதல் ஆகிய பணிக்காக ரூ. 48 லட்சம் என ரூ.92 லட்சத்திற்கு திட்ட மதிப்பீடு செய்யப்பட்டு அரசாணைகள் பெறப்பட்டுள்ளது.
பொதுப்பணித்துறை உதவி பொறியாளா் விக்டோரியா, பள்ளி துணை ஆய்வாளா் வாஞ்சிநாதன், இளநிலைப் பொறியாளா்
சுசித்ரா , தலைமை ஆசிரியா், ஆசிரியா்கள், புதுக்குப்பம் மீனவ கிராம பஞ்சாயத்தாா், இளைஞா்கள், பொதுமக்கள், பெற்றோா்கள் கலந்து கொண்டனா்.
