வடகொரியா: 5 ஆண்டுகளுக்கு பிறகு சுற்றுலாப் பயணிகளுக்கு அனுமதி!
பூதப்பாடி ஒழுங்குமுறை விற்பனைக் கூடத்தில் வேளாண் விளைபொருள்கள் ரூ.9 லட்சத்துக்கு செவ்வாய்க்கிழமை ஏலம் போனது.
இங்கு, விற்பனைக்கு வந்த 1,289 தேங்காய்களில், சிறியவை ஒரு காய் ரூ.14.16-க்கும், பெரியவை ரூ.27.10-க்கும் என மொத்தம் ரூ.16,588-க்கும், 95 மூட்டைகள் நெல், கிலோ ரூ.20.15 முதல் ரூ.21.55 வரையில் ரூ.1,19,691-க்கும், 36 மூட்டைகள் தேங்காய்ப் பருப்பு ரூ.138.91 முதல் ரூ.148.90 வரையில் ரூ.1,12,624-க்கும், 304 மூட்டைகள் நிலக்கடலை ரூ.70.01 முதல் ரூ.70.72 வரையில் ரூ.6,45,602-க்கும் ஏலம் போனது.
3 மூட்டைகள் கொள்ளு கிலோ ரூ.43.26 வீதம் ரூ.2,855-க்கும், 3 மூட்டைகள் துவரை ரூ.62 முதல் ரூ.63.86 வரையில் ரூ.12,575-க்கும் விற்பனையானது. மொத்தம் 441 மூட்டைகளில் 217.16 குவிண்டால் வேளாண் விளைபொருள்கள் ரூ.9 லட்சத்து 9,935-க்கு விற்பனையானது.
