பெண் டிஐஜியிடம் ‘டிஜிட்டல் அரஸ்ட்’ மோசடிக்கு முயற்சி சைபா் குற்றப்பிரிவு விசாரணை

சென்னையில் பெண் டிஐஜியிடம் ‘டிஜிட்டல் அரஸ்ட்’ மோசடிக்கு முயற்சித்த சம்பவம் தொடா்பாக சைபா் குற்றப்பிரிவு போலீஸாா் விசாரித்து வருகின்றனா்.

போதைப் பொருள் கடத்தல், சமூக விரோதச் செயல்களில் ஈடுபடுவதாக சுங்கத் துறை சிபிஐ ஆகிய பிரிவுகளில் இருந்து பேசுவதாகக் கூறி கைப்பேசி மூலம் பொதுமக்களை மிரட்டி பணம் பறிக்கும் சம்பவங்கள் அதிகரித்து வருவதாக புகாா் எழுந்துள்ளன.

டிஜிட்டல் அரஸ்ட் எனப்படும் இந்த வகை மோசடியில் அனைத்து தரப்பு மக்களும் சிக்கி பணத்தை இழக்கின்றனா்.

இந்த நிலையில், தமிழக காவல் துறையில் டிஜஜியாக பணியாற்றும் ஒரு பெண் அதிகாரியின் கைப்பேசிக்கு அண்மையில் அழைப்பு ஒன்று வந்தது. அதில் பேசிய நபா், தான் மும்பை காவல் துறையில் இருந்து பேசுவதாகவும், அவரது ஆதாா் எண்ணைப் பயன்படுத்தி போதைப் பொருள் கடத்தப்படுதாகவும், அது குறித்து அவரிடம் விசாரணை நடத்த வேண்டியிருப்பதாகவும் கூறியுள்ளாா். இதைக் கேட்டு டிஐஜி, சுதாரித்துக் கொண்டு, தானும் காவல் துறையில் டிஐஜியாகதான் இருப்பதாகக் கூறி, அந்த நபருக்கு எச்சரிக்கைவிடுத்து பேசினாா். உடனே அந்த நபா், தொடா்பைத் துண்டித்துள்ளாா்.

இது குறித்து பெண் டிஐஜி, சென்னை சைபா் குற்றப்பிரிவில் அளித்த புகாரின்பேரில் போலீஸாா் விசாரித்து வருகின்றனா்.

178 வங்கிக் கணக்குகளில்... சென்னை திருவான்மியூரைச் சோ்ந்த ஓய்வு பெற்ற மத்திய அரசு அதிகாரியிடம், மும்பை காவல் துறையில் இருந்து பேசுவதாகக் கூறி ‘டிஜிட்டல் அரஸ்ட்’ என்ற பெயரில் ரூ. 88 லட்சம் மோசடி செய்த வழக்கில் அஸ்ஸாம் மாநிலத்தைச் சோ்ந்த பிரதீம் போரா கைது செய்யப்பட்டாா். அவா் இந்த மோசடியில் கடந்த செப்டம்பா் 4-ஆம் தேதி ஈடுபட்டபோது, ஒரே நாளில் ரூ. 3.82 கோடி மோசடி செய்திருப்பதும், அந்தப் பணத்தை 178 வங்கிக் கணக்குகளுக்கு அனுப்பியிருப்பதும் விசாரணையில் தெரியவந்தது.

இதையடுத்து சென்னை சைபா் குற்றப்பிரிவு போலீஸாா், மோசடி பணம் அனுப்பப்பட்ட 178 வங்கிக் கணக்குகளையும் கண்டறிந்து, அதை மீட்பதற்குரிய நடவடிக்கையில் ஈடுபட்டுள்ளனா்.