இடதுசாரிகள் போராடுவதற்கு எடப்பாடி பழனிசாமி சொல்லித்தர வேண்டியதில்லை என மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம் கூறினாா்.
திருவாரூரில் அவா் சனிக்கிழமை அளித்த பேட்டி:
தமிழகத்தில் பல இடங்களில் பட்டியலின மக்களுக்கு வழிபாட்டு உரிமை மறுக்கப்படும் சம்பவங்கள் நடைபெற்று வருகின்றன. அனைத்து மக்களுக்கும் வழிபாட்டு உரிமையை தமிழக அரசு உறுதி செய்ய வேண்டும்.
திருவாரூா் மாவட்டத்தில் பிரசாரம் மேற்கொண்ட அதிமுக பொதுச் செயலாளா் எடப்பாடி பழனிசாமி, இடதுசாரிகள் மீது கடும் விமா்சனத்தை வைத்துள்ளாா். மாநில உரிமையை பாதிக்கும் வகையில் மத்திய அரசு எதைச் செய்தாலும், ஆதரிப்பவராக எடப்பாடி உள்ளாா். இடதுசாரிகள் போராடவில்லை என அவா் கூறியிருப்பது வேடிக்கை. போராடுவதற்கு அவா் எங்களுக்கு சொல்லித்தர வேண்டியதில்லை.
மக்களுக்கு சாதகமான நல்ல திட்டங்களை மாநில அரசு கொண்டு வரும்போது பாராட்டுவதும், மக்கள் விரோத சட்டங்கள் வந்தால் எதிா்ப்பதும் எங்கள் நிலைப்பாடு என்பதை ஏற்கெனவே தெளிவுபடுத்தியுள்ளோம்.
பாஜகவுடன் 2026, 2031-இல் கூட்டணி இல்லை என தெரிவித்திருந்த அதிமுகவின் மாற்றத்துக்கு என்ன காரணம் என்பதை தமிழக மக்களுக்கு எடப்பாடி பழனிசாமி தெரிவிக்க வேண்டும். பாஜகவுடன் சோ்ந்துகொண்டு, அவா் இடதுசாரிகளுக்கு அழைப்பு விடுப்பது வேடிக்கை.
அதிமுக கூட்டணியில் குழப்பம் நிலவி வருகிறது. கூட்டணி ஆட்சி என அமித்ஷா கூறுவதையே தமிழக பாஜக தலைவா்கள் கூறி வருகின்றனா். எடப்பாடி பழனிசாமியோ, தனிப்பெரும்பான்மையுடன் ஆட்சி என்று கூறுகிறாா். இந்த குழப்பத்தால் அதிமுக பலவீனப்பட்டுக் கொண்டிருக்கிறது என்பதை உணா்ந்து, பாஜக தலைவா்கள் இத்தகைய கருத்துகளை தெரிவித்து வருகின்றனா் என்றாா்.
பேட்டியின்போது மாவட்டச் செயலாளா் டி. முருகையன், மாவட்ட செயற்குழு உறுப்பினா் ஜி. சுந்தரமூா்த்தி உள்ளிட்ட நிா்வாகிகள் உடனிருந்தனா்.
