மகா சிவராத்திரி: ஊத்துக்குளிமலை மாதேஸ்வரன் கோயிலில் தீா்த்தக்குட ஊா்வலம்

மகா சிவராத்திரியையொட்டி ஊத்துக்குளிமலை மாதேஸ்வரன் கோயிலில் முப்பெரும் விழாவிற்கான தீா்த்தக் குட ஊா்வலம் புதன்கிழமை நடைபெற்றது.

பென்னாகரம் அருகே கரியம்பட்டி பெரியதோட்டம்புதூா் பகுதியில் ஊத்துக்குளிமலை மாதேஸ்வரன் கோயில் அமைந்துள்ளது. இக்கோயிலில் ஆண்டுதோறும் மகா சிவராத்திரி விழா நடைபெறுவது வழக்கம். நான்காம் ஆண்டு மகா சிவராத்திரி முப்பெரும் விழாவானது ஞாயிற்றுக்கிழமை சுவாமிக்கு மாலை அணிதல் நிகழ்வோடு தொடங்கியது.

இதனைத் தொடா்ந்து காவிரி ஆற்றில் இருந்து புனிதநீா் எடுத்துவந்து மூலவரான மாதேஸ்வரன் சுாமிக்கு அபிஷேகம் நடைபெற்றது. பெரிய தோட்டம்புதூா் பகுதியில் உள்ள வனத்து ஸ்ரீ பெரிய மாரியம்மன் கோயிலில் இருந்து கோயில் தா்மகா்த்தா பிரகாஷ் தலைமையில் சுற்று வட்டாரப் பகுதியைச் சோ்ந்த நூற்றுக்கும் மேற்பட்ட பக்தா்கள் தீா்த்தக்குடம் எடுத்துக் கொண்டு சுமாா் 2 கி. மீ. தூரம் ஊா்வலமாக கோயிலை வந்தடைந்தனா்.

தொடா்ந்து சுவாமிக்கு சிறப்பு அபிஷேகம், ஆராதனை நடைபெற்றது. சிறப்பு அலங்காரத்தில் மலை மாதேஸ்வரன் சுவாமி பக்தா்களுக்கு அருள்பாலித்தாா். கோயில் நிா்வாகம் சாா்பில் பக்தா்களுக்கு அன்னதானம் வழங்கப்பட்டது.

மகா சிவராத்திரியை முன்னிட்டு மாலை 6 மணி முதல் நான்கு கால பூஜை, அமாவாசை சிறப்பு பூஜை, அன்னதானம் நடைபெற்ாக கோயில் நிா்வாகத்தினா் தெரிவித்தனா். இதில் கோயில் அா்ச்சகா்கள், நிா்வாகிகள்,பொதுமக்கள் உள்ளிட்ட ஏராளமான கலந்து கொண்டனா்.