மதுரை: பொய்கைகரைப்பட்டியில் மகா பெரியவருக்கு உருவாகும் ஆலயம்..!

காஞ்சி மகா பெரியவர் என பக்தர்களால் அழைக்கப்பட்ட ஸ்ரீசந்திர சேகரேந்திர சரஸ்வதி சுவாமிகளுக்கு, மதுரை அழகர்கோயில் அருகே பொய்கைகரைப் பட்டியில் கோயில் கட்டும்பணி தொடங்கியுள்ளது.

சூட்சமமான இந்து ஆன்மீக தந்துவத்தின் மெய்பொருளை எளியவர்களும் புரியும்வண்ணம் அருளிய காஞ்சி மகான் என்று அழைக்கப்பட்ட மகா பெரிவர் ஸ்ரீசந்திர சேகரேந்திர சரஸ்வதி சுவாமிகளுக்கு மதுரையில் ஆலயம் எழுப்ப வேண்டும் என்பது பக்தர்களின் நீண்ட நாள் விருப்பமாக இருந்தது.

இந்நிலையில் கோயில் கட்டும் பணிக்காக நிலம் வாங்கி அதற்கான ஆரம்ப கட்டப்பணிகள் தொடங்கியுள்ளது. இத்திருப்பணியை முன்னெடுத்துள்ள மதுரை அனுஷத்தின் அனுக்கிரகம் நிறுவனர் நெல்லை பாலு தெரிவிக்கும்போது, "மீனாட்சி சொக்கநாதர் கோயில் கும்பாபிஷேகம், உள்ளிட்ட பல வைபவங்களுக்காக காஞ்சி மகா பெரியவர் மதுரைக்கு பலமுறை விஜயம் புரிந்துள்ளார். அவருக்கு 'திருமாலிருஞ்சோலை' என்னும் கள்ளழகர் கோயில் பொய்கைகரைப்பட்டியில் மலை அடிவாரத்தில் திருக்கோயில் கட்டும் பணியை மதுரை அனுஷத்தின் அனுக்கிரகம் அமைப்பு முன்னெடுத்துள்ளது.

இதற்கான பூர்வாங்க பணிகள் பொய்கைகரைப்பட்டியில் தொடங்கப்பட உள்ளது" என்று தெரிவித்தார்.