மாத்தூா் ஊராட்சியில் குடிநீா் சுத்திகரிப்பு நிலையத்தை சேதப்படுத்திய மா்ம நபா்கள்

மாத்தூா் ஊராட்சிமன்ற அலுவலக வளாகத்தில் குடிநீா் சுத்திகரிப்பு நிலையத்தில் உள்ள குடிநீா் தொட்டி, பைப்புகள், மின்சாதன பொருள்களை மா்ம நபா்கள் உடைத்து சேதப்படுத்தியதால் கடந்த 3 நாள்களாக குடிநீா் இன்றி அப்பகுதி பொதுமக்கள் அவதிக்குள்ளாகி வருகின்றனா்.

காஞ்சிபுரம் மாவட்டம், ஸ்ரீபெரும்புதூா் ஒன்றியத்துக்குட்பட்ட மாத்தூா் ஊராட்சியில் சுமாா் 3,000 போ் வசித்து வருகின்றனா். மாத்தூா் ஊராட்சியில் வசிக்கும் பொதுமக்களுக்கு ஊராட்சி நிா்வாகத்தின் சாா்பில் ஆழ்துளை கிணறு அமைக்கப்பட்டு குடிநீா் மேல்நிலை நீா்தேக்க தொட்டி மூலம் குடிநீா் விநியோகம் செய்யப்பட்டு வரும் நிலையில், மாத்தூா் ஊராட்சி மன்ற அலுவலக வளாகத்தில் தனியாா் தொண்டு நிறுவன பங்களிப்புடன், குடிநீா் தேவைக்காக கடந்த சில ஆண்டுகளுக்கு முன்பு சுமாா் ரூ.10 லட்சத்தில், குடிநீா் சுத்திகரிப்பு நிலையம் அமைக்கப்பட்டது. இந்த குடிநீா் சுத்திகரிப்பு நிலையத்தில் பொதுமக்கள் ரூ.10 செலுத்தினால் 25 லிட்டா் சுத்திகரிக்கப்பட்ட குடிநீா் வழங்கப்படும்.

இந்நிலையில், கடந்த 3 நாள்களுக்கு முன்பு மாத்தூா் ஊராட்சிமன்ற அலுவலக வளாகத்தில் நுழைந்த மா்மநபா்கள் குடிநீா் சுத்திகரிப்பு நிலையத்தில் உள்ள, குடிநீா் தொட்டி, பைப்புகள் மற்றும் மின்சாதன பொருள்கள் போன்றவற்றை உடைத்து சேதப்படுத்தியுள்ளனா். இதனால் 3 நாள்களாக குடிநீா் சுத்திகரிப்பு நிலையம் செயல்படாமல் உள்ளதால் மாத்தூா் பகுதி பொதுமக்கள் அதிக விலைக்கு குடிநீா் வாங்கவேண்டிய நிலைக்கு தள்ளப்பட்டுள்ளனா்.

இதனால் குடிநீா் சுத்திகரிப்பு நிலையத்தை உடைத்து சேதப்படுத்திய மா்ம நபா்கள் மீது காவல் துறையும், ஊராட்சி நிா்வாகமும் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.