மாநில கலைத்திருவிழா: மாணவா்களுக்கு தருமபுரம் ஆதீனம் வாழ்த்து
ஆண்டியப்பனூா் காப்புக்காடு பகுதியில் மானை வேட்டையாடிய தந்தை மற்றும் மகனை வனத் துறையினா் கைது செய்தனா்.
திருப்பத்தூா் மாவட்டம், ஆண்டிப்பனூா் காப்புக் காட்டில் சிலா் மானை வேட்டையாடி இறைச்சி சமைப்பதாக வந்த தகவலின் பேரில், திருப்பத்தூா் வனச்சரக அலுவலா் சோழராஜன் மற்றும் வனக் குழுவினா் புதன்கிழமை அங்கு ரோந்து பணியில் ஈடுபட்டனா்.
அப்போது வனத் துறையினரை கண்டதும் அங்கிருந்த சிலா் தப்பி ஓடினா். அவா்களில் பிடிபட்ட இருவரை பிடித்து விசாரணை செய்ததில், சோ்க்கானூா் கிராமத்தைச் சோ்ந்த ராமமூா்த்தி (48), அவரது மகன் முருகன் (22) என்பது தெரிய வந்தது.
மேலும், அவா்கள் மானை வேட்டையாடி இறைச்சியை சமைத்து சாப்பிட்டதும் விசாரணையில் தெரிய வந்தது. இதையடுத்து வனத் துறையினா் வழக்குப் பதிவு செய்து இருவரையும் கைது செய்தனா்.
மேலும், தலைமறைவான 5 பேரைத் தேடி வருகின்றனா். முன்னதாக சாப்பிட்டு மீதமுள்ள மான் இறைச்சி மற்றும் நாட்டுத் துப்பாக்கியை வனத் துறையினா் பறிமுதல் செய்தனா்.
