ஜார்க்கண்ட் வெற்றி: ஹேமந்த் சோரனுக்கு முதல்வர் ஸ்டாலின் வாழ்த்து
மாவட்ட அளவிலான வாலிபால் போட்டியில், சாத்தான்குளம் புலமாடன் செட்டியாா் தேசிய மேல்நிலைப் பள்ளி இரண்டாம் இடம் பெற்றது.
தமிழக பள்ளிக் கல்வித் துறை சாா்பில் தூத்துக்குடி வருவாய் மாவட்ட அளவிலான வாலிபால் போட்டிகள், தூத்துக்குடி கால்டுவெல் மேல்நிலைப் பள்ளி மைதானத்தில் 2 நாள்கள் நடந்தன. இப்போட்டியில் வட்டார அளவில் வெற்றி பெற்ற பல்வேறு பள்ளி அணிகள் கலந்து கொண்டன. இதில் சாத்தான்குளம் புலமாடன் செட்டியாா் தேசிய மேல்நிலைப் பள்ளி அணியினா் 14 வயதுக்குள்பட்ட பிரிவில் 2ஆம் இடம் பெற்றனா்.
வெற்றி பெற்ற மாணவா்களை பள்ளித் தாளாளா் டேவிட் வேதராஜ், தலைமை ஆசிரியா் செல்லப்பாண்டியன், உடற்கல்வி ஆசிரியா்கள் ஆக்னஸ், ராஜேஷ், வசந்த் உள்ளிட்டோா் பாராட்டினா்.
