சாலையில் சுற்றித் திரிந்த மாடுகள்: உரிமையாளா்களுக்கு அபராதம்
சென்னையில் மெத்தம்பெட்டமைன் விற்ாக 2 போ் கைது செய்யப்பட்டனா்.
சென்னை அண்ணா சாலையில் உள்ள காா் விற்பனையகத்தின் அருகே சிலா் மெத்தம்பெட்டமைன் போதைப் பொருள் விற்பதாக வடக்கு கடற்கரை போலீஸாருக்கு வெள்ளிக்கிழமை தகவல் கிடைத்தது. தகவலின் அடிப்படையில் அங்கு ரகசிய கண்காணிப்பு பணியில் ஈடுபட்ட போலீஸாா், சந்தேகத்துக்குரிய வகையில் நின்று கொண்டிருந்த இருவரைப் பிடித்து விசாரித்தனா்.
அப்போது, அவா்கள் முன்னுக்கு பின் முரணாக பதில் கூறியதையடுத்து, அவா்களது உடைமைகளை போலீஸாா் சோதனையிட்டனா். சோதனையில், அவா்கள் வைத்திருந்த ரூ.2 லட்சம் மதிப்புள்ள மெத்தம்பெட்டமைன் போதைப் பொருளைப் பறிமுதல் செய்தனா்.
விசாரணையில், அவா்கள் திருவல்லிக்கேணி ஈஸ்வரதாஸ் தெருவைச் சோ்ந்த ந.மகேஷ் (30), அண்ணா நகா் பகுதியைச் சோ்ந்த ஃபாரூக் (29) என்பது தெரியவந்தது. இதையடுத்து, வழக்குப்பதிந்து இருவரையும் கைது செய்த போலீஸாா், இருவருக்கும் மெத்தம்பெட்டமைன் விற்ற நபரைத் தீவிரமாகத் தேடி வருகின்றனா்.
